“WhatsApp-ın istifadəsinə məhdudiyyət qoyulmayıb”- Azercell

30-06-2015 / 22:25
Azercell şirkəti WhatsApp mobil əlavəsinin istifadəsində məhdudiyyətin qoyulması ilə bağlı yayılan xəbərlərə münasibət bildirib.

Xeberler.az-ın məlumatına əsasən, Azercell-in sosial şəbəkələrdə (şirkətin Twitter, Facebook və Instagram şəbəkələrindəki rəsmi səhifəsində - red.) yaydığı bəyanatda qeyd edilib ki, Azercell tərəfindən WhatsApp əlavəsinin istifadəsinə heç bir məhdudiyyət qoyulmayıb: "Qeyd edək ki, Azercell bu proqramdan istifadə üçün yalnız mobil internet şəbəkəsini təmin edir və bu əlavədən istifadə zamanı baş verən nasazlıqlara görə məsuliyyət daşımır". 

Sosial şəbəkə istifadəçiləri tərəfindən bu bəyanat birmənalı qarşılanmayıb.

Bəzi istifadəçilər iddia edir ki, Azercell-in mobil internetindən istifadə edərək WhatsApp-ın zəng funksiyasından yararlanmaq olmur, halbuki, wi-fi-a qoşulan zaman problem aradan qaldırılır. Buna cavab olaraq, şirkətdən bildirilir ki, Azercell bu proqramdan istifadə üçün yalnız mobil internet şəbəkəsini təmin edir və bu əlavədən istifadə zamanı baş verən nasazlıqlara görə məsuliyyət daşımır.

Digər istifadəçilər də qeyd edir ki, WhatsApp-dan istifadə edərək mesaj yazmaq olur, lakin zəng etmək mümkünsüzdür.

Xeberler.az

 

ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.