Zəngləri hakerlərə yönləndirən yeni Android virusu aşkar edilib!

01-11-2024 14:18

İlk dəfə 2022-ci ildə Kaspersky hesabatlarında üzə çıxan Fake Call adlı virus, ələ keçirdiyi telefondakı bütün zəngləri hakerlərə yönləndirə bilir. Vişinq adlanan bu üsul vasitəsilə telefon istifadəçisi bank vacib bir yerə zəng etmək istəyəndə, hakerlər onu aldada bilər.

Xeberler.az məlumat verir ki, bir istifadəçinin cihazına bu virusu yoluxdurmağın ən asan yolu Google Play Store kimi bir tətbiq mağazasından .apk kimi tətbiqləri yükləməkdir. Mənbəyi naməlum bir tətbiq faylını açdığınız zaman virus telefonunuza yoluxur və cihazın nəzarətini ələ keçirir. Ailə və dostlardan gələ biləcək bu tip faylları öncədən yoxlamaq faydalıdır. Viruslu tətbiq telefona ilk dəfə yükləndikdə istifadəçidən standart telefon tətbiqi və zəng qeydlərinə giriş icazəsi istəyir. Zimperium tədqiqatçılarına görə, virus yayılma mərhələsindən sonra:

Şəxsiyyət Saxtakarlığı: Telefonunuzu ələ keçirmiş haker ailənizə və dostlarınıza sizin adınızdan zəng edərək onlardan müəyyən tələblər istəyə bilər. "setResultData()" metodu vasitəsilə haker sizin fəaliyyətlərinizi izləyə bilər.
Zəngləri idarə edə bilər: FakeCall virusu gələn və gedən zəngləri bloklaya, idarə edə və sahibindən icazə almadan başqaları ilə əlaqə qura bilər.

Son günlərdə isə buna bənzər bir hadisəni bir sosial media fenomeni yaşayıb. Sosial media fenomeninin xəbəri olmadan baş verən zənglərdə, bir şəxs telefon zənglərinin həyata keçirilməsini təmin edən SS7 protokolunu pozaraq fenomenin nömrəsini ələ keçirib. Bu hadisənin fərqli tərəfi isə sosial media fenomeninin telefonuna heç bir virusun yoluxmaması idi. Lakin baş verənlər FakeCall-in yaratdığı təsirlərlə tamamilə eynidir.

FakeCall virusu ilk dəfə 2022-ci ildə Kaspersky tərəfindən bildirildikdən sonra, 2023-cü ildə isə ThreatFabric tərəfindən yenidən qeydə alınıb. Xüsusi təhlükəsizlik şirkəti Zimperium-un araşdırma hesabatına əsasən FakeCall virusu vishing adlı bir metod ilə gəlir. Məqsəd, qurbanlardan saxta telefon zəngləri, səsli mesajlar kimi üsullarla bank, kredit kartı və ya şəxsi məlumatlarını ələ keçirməkdir. Tədqiqatçılar FakeCall virusunun gələn və gedən zəngləri kəsmə də daxil olmaqla mobil cihazın demək olar ki, tamamilə nəzarətini ələ ala biləcəyini açıqlayırlar.

ŞƏRHLƏR