3 milyondan çox istifadəçi “Elektron hökumət” portalına daxil olub

13-01-2015 / 16:11

Rabitə və Yüksək Texnologiyalar Nazirliyinin (RYTN) Məlumat Hesablama Mərkəzi (MHM) “Elektron hökumət” portalına daxilolmaların növbəti statistikasını təqdim edib.

Xeberler.az-ın məlumatına görə, statistik uçotun aparıldığı tarixdən - 2012-ci ilin dekabrından 2014-cü ilin dekabr ayının 31-ə qədər portala daxil olanlar haqda toplanan məlumatlar göstərir ki, portala ümumilikdə 3,614,775 daxilolma qeydə alınıb.

Portala müraciət edənlərin ümumi sayı isə 1,137,975 nəfər olub. Belə ki, 1,137,975 nəfər ümumən 3,614,775 dəfə portala baxıb və 6,711,902 dəfə elektron xidmətlərə müraciət ediblər. Həmin şəxslər 14,557,151 dəfə müxtəlif səhifələrə keçid ediblər və portala sərf etdikləri vaxt ortalama 6 dəqiqə 35 saniyə olub.

2014-cü ilin yanvar ayının 1-dən dekabr ayının 31-ə dək olan zaman kəsiyində isə portala daxil olmaların sayı 3,158,063 olub. Bu dövr ərzində ümumən 890,804 nəfər portala müraciət edib. Onlar 12,965,606 dəfə müxtəlif səhifələrə keçid ediblər, 5,962,572 xidmətə müraciət edib və portala sərf etdikləri vaxt ortalama 6 dəqiqə 50 saniyə olub.

Dekabr ayının statistikasına nəzər salsaq, bu dövrdə portala 359,320 daxilolma qeydə alınıb. Portala müraciət edənlərin ümumi sayı isə 103,739 nəfər olub.

Portala daxil olmaq üçün sadələşdirilmiş  parol alan istifadəçilərin sayı bu gün 161,239-ə çatıb.

Mirvari Nəcəf


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.