3D printerdən istifadə edənlərin sayı azalıb

18-09-2015 / 13:03

UPS şirkəti “Optimized for Growth: High-Tech Executives Adapt to Meet Global Demands” adlı hesabatında 3D çap texnologiyaları məsələlərinə bölmə həsr edib.

Xeberler.az xarici mətbuata istinadən məlumat verir ki, sənəddə Avropada və ümumilikdə dünyada 3D printerlərdən istifadə ilə bağlı maraqlı fərqlər ortaya çıxıb. Belə ki, şirkət ekspertləri tərəfindən müəyyən edilib ki, Avropada 3D printer istifadəçilərinin 70 faizi onlardan yeni məhsulların dizaynı və konstruksiyalaşdırılması üçün yararlanır (dünyada bu göstərici 75 faizə bərabərdir), Avropa mühəndislərinin 63 faizi printer vasitəsilə ehtiyat hissələri çap edir (dünyada bu göstərici 24 faiz təşkil edir).

Avropada 3D çapdan istifadə hazırda kütləvi hal almayıb. Yüksək texnologiyalar sahəsində çalışan mütəxəssislərin yalnız 4 faizi bu qurğulardan aktiv istifadə edir, daha 8 faiz onları sınaqdan keçirir, 26 faiz güman edir ki, bu texnologiya hələ real istifadə üçün hazır deyil. Qalan 28 faiz texnologiya barədə məlumatlı olsa da, onu öyrənməkdə davam edir, 34 faiz ümumiyyətlə texnologiya barədə məlumatlı deyil və onunla maraqlanmır.

Xeberler.az


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə