ABŞ-da yaşayan startapçımızla görüş keçirilib -Fotolar

30-03-2016 / 15:43

Dünən Startap Azərbaycan tərəfindən hazırda ABŞ-da, Silikon Vadisində çalışan startapçımız, WeTravel layihəsinin həmtəsisçisi Qərib Mehdiyevlə görüş təşkil edilib.

 Təşkilat Komitəsindən Xeberler.az-a verilən məlumata görə, görüşdə startap və İT bizneslə maraqlanan gənclər, internet biznes sahəsində çalışanlar, həmçinin İT şirkətlərin rəsmiləri də iştirak edib.

Azərbaycan İnternet Forumunun prezidenti Osman Gündüz görüşü açaraq Startap Azərbaycan tərəfindən təşkil olunan bu tədbirin ölkədə startap ekosisteminin inkişafı,  gənclərin və investorların diqqətinin bu istiqamətdə artılmasında, beynəlxalq təcrübənin öyrənilməsində xüsusi əhəmiyyət kəsb etdiyini diqqətə çatdırıb.

Görüşdə Qərib Mehdiyev öz fəaliyyəti haqda qısa məlumat verib.

 O, internet biznes, startapların qurulması və idarə edilməsi, e-ticarətlə , kadrlarla və mütəxəssislərlə bağlı bağlı çoxsaylı suallarını cavablandırıb.

Qərib Mehdiyev Amerika və dünya təcrübəsinə dayanaraq startap mühitini yaxşılaşdırılması, investorların bu sahəyə diqqətini artırmaq və innovativ ideyaların uğurlu biznes sahəsinə çevrilməsinə yardım etmək, investorlarla uğurlu əlaqələrin qurulması istiqamətində təcrübələrini paylaşıb.

Startapçımız İT sahəsində biznes fəaliyyətinə başlamaq istəyən gənclərə tövsiyələr verib.

Görüş müzakirələr və diskussiya şəraitində davam edib.

Tədbirdə çəkilmiş bütün fotolar Startup Azerbaijan-ın Facebook səhifəsində yerləşdirilib.

Startap Azərbaycan Layihəsinə Rabitə və Yüksək Texnologiyalar Nazirliyi , İT-nin İnkişafı Dövlət Fondu və Yüksək Texnologiyalar Parkı dəstək verir. Startap Azərbaycan-ın Akademik partnyoru ADA Universitetidir.

ATL Group, SİNAM, Neuron Technologies, SUP Accelerator, NEXT STEP İnnovasiya Mərkəzi və Cybernet şirkətləri Startap Azərbaycan-a dəstək verir və sponsorluq edirlər.

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.