Ağıllı sayğaclara müdaxilə təhlükəsi varmı ?

16-07-2019 16:51

Xeberler.az bildirir ki, "Azərişıq" yenidən 5 milyon manatlıq smart –kart tipli ağıllı sayğaclar alacaq. Sayğaclar "Sensemi DMCC OF DUBAİ" şirkətindən alınacaq. Məsələ ilə bağlı müqavilə bağlanıb. Əvvəllər də Azərişıq bu qurumdan bu tip sayğaclar alıb. Ötən il sayğacla bağlı ciddi problemlər yaşanmışdı.

“Azərişıq”ın vətəndaşlara göndərdiyi bildirişlərdəki məbləğin real enerji sərfiyyatına uyğunluğundan şübhələnmək üçün isə müəyyən əsaslar var. Bu məbləğin bir neçə dəfə çox olduğu haqqında sosial mediada kütləvi məlumatlar açıqlanıb.
Bundan sonra bir xeyli ictmai müzakirələr aparılsa da, məsələ indiyədək öz həllini tapmayıb.

Məsələyə İnternet Formunun Prezidenti, ekspert Osman Gündüz münasibət bildirib.

Ekspert qeyd edib ki, Azərişığın ağıllı sayğaclarına və ya ümumiyyətlə onun informasiya sisteminə müdaxilədən (kənar müdaxilə, məqsədyönlü müdaxilə, sistemin özünün düz çalışmamasından dolayı olan problemlər və s ) şübhələnmək üçün əsaslar hələ də qalır. Belə ki, sərfiyyatı hesablayan proqram təminatını –billing sistemini Azərişıq özü hazırlayıb. (digər aidiyyatı dövlət qurumları tərəfindən bu sistemə hər hansı baxış keçirilməyib), sayğaclardakı hesablamaları mərkəzə ötürən İnformasiya şəbəkəsini Azərişıq özü qurub və özünə məxsusudur, xarici şirkətlərə məxsus olan sayğacların da alınmasında yalnız bu qurum – Azərişıq iştirak edir. Bu sayğacların daxili alqoritminin necə işləməsi, xaricdən və ya daxildən müdaxilə ilə bağlı ehtimalları bizim digər dövlət qurumları tərəfindən testdən keçirilməyib.

Son olaraq Osman Gündüz qeyd edib ki, belə olan halda Azərişıq üzərində dövlət və ictimai nəzarət imkanlarını gerçəkləşdirmək üçün hökumət ciddi səylər göstərməlidir. Ekspert düşünür ki, XDMX, VXSİ Dövlət Agentliyi və digər aidiyyatı dövlət qurumlarının və müstəqil ekspertlərin Azərişıq infromasiya sistemini birgə audit etməsi məqsədəuyğundur.

ŞƏRHLƏR