Ali təhsil müəssisələrinin səlahiyyətləri artırılacaqmı?

16-03-2020 14:48

Xeberler.az bildirir ki, bu gün Milli Məclisin Elm və təhsil komitəsinin iclası baş tutub. İclasda “Lisenziyalar və icazələr haqqında” qanuna dəyişiklik müzakirə olunub. Dəyişikliyə görə dövlətə məxsus peşə, orta ixtisas, əlavə təhsil və ali təhsil müəssisələri lisenziyasız fəaliyyət göstərəcək.

Məsələyə Azərbaycan İnternet Formunun Prezidenti, ekspert Osman Gündüz münasibət bildirib:

2Son zamanlar baş verənlər göstərir ki, təhsil müəssisələrinin, xüsusən də ali təhsil müəssislərinin müstəqilliyi yetərli deyil. Bəzən müşahidə edirik ki+ ali təhsil sahəsində adi məsələlər üçün də Təhsil Nazilriyinə müəraciət etmək lazım gəlir.

Bu baxımdan adı çəkilən qanuna dəyişikliyi müsbət addım kimi dəyərləndirmək olar və gözləmək olar ki, bunun ardınca Nazirlər Kabineti və Təhsil Nazirliyi tərəfindən təhsil müəssisələrin müxtariyyətiniin artırılması üçün əlavə addımlar atılacaq.

Ali təhsil müəssisələri isə lisenziyasız fəaliyyət səlahiyyəti qazanandan sonra, düşünürəm ki, daha aktiv fəaliyyətə başlamalıdırlar.

Fikrimcə lisenziyasız fəaliyyətdən sonra təhsil müəssisələrinin göstərdikləri təhsil xidmətlərinin , təhsil formaların dairəsi xeyli genişlənməlidir.

Yeni təhsil xidmətləri üçün şəraitin yaradılmasına start verilməlidir. İkinci təhsil, itisasartırma, ixtisasdəyişmə ilə bağlı fəaliyyət tamamilə distantın üzərinə keçirilə bilər və Universitetlər bundan xeyli fayada əldə edə bilərlər.

Distant təhsil formasına keçidlə bağlı, resursları zəif olan universitetlər beynəlxalq təcrübədən faydalanmaqla birgə distant platforma hazırlaya bilərlər.

Ali təhsil müəssisələri indidən liseziyasız fəaliyyətin verə biləcəyi imkanları analiz etməli və bundan faydalanmağa çalışmalıdır. İndidən gələn tədris ilində bunların nəzərə alınması üçün Nazirlər Kabineti, Təhsil Nazirliyi və DİM-ə müraciətlər etməlidirlər".

ŞƏRHLƏR