EDUTECH

Cəmiyyətimizin informasiya cəmiyyətinə doğru sürətlə irəliləməsi və “2005- 2007-ci illərdə ümumtəhsil məktəblərinin informasiya-kommunikasiya texnologiyaları ilə təminatı” Dövlət Proqramının uğurla həyata keçirilməsi nəticəsində Azərbaycanın demək olar ki, bütün ümumtəhsil məktəbləri kompüterlə təhciz edilib və məktəblərdə informatika otaqları təşkil olunub.

Xeberler.az bildirir ki, İnformatika otaqları məktəbdə şagirdlərin informatika fənnini və digər İKT ilə keçirilən dərsləri aparmaq üçün nəzərdə tutulub. İnformatika dərsliklərində ALPLogo proqramlaşdırma mühitinə də toxunulmuşdur ki, bu proqramlaşdırma mühiti “İnformatika” dərsliyinin müəllifləri tərəfindən Azərbaycanda ilk dəfə olaraq yaradılıb və dərslik komplektinə əlavə edilib.

LOGO dili 5-7-ci sinif şagirdlərində yaradıcı təfəkkürünü və məsələ həll etmək bacarıqlarının inkişafına böyük köməklik göstərir. Artıq uzun illərdir ki, dünyanın bir çox ölkələrində LOGO dilində müxtəlif layihələr üzrə məktəblilər arasında müsabiqə və yarışlar keçirilir. ALPLogo proqramının ən mühüm xüsusiyyəti ondadır ki, bu proqramda Bağa üçün komandalar Azərbaycan, İngilis və Rus dillərində yığıla bilər. Sistem hər üç dili qəbul edir. Proqramı informatik.az saytında “Proqram təminatı” bölməsindən yükləmək olar.

Dərslik müəllifləri R.Mahmudzadə, İ.Sadıqov və N.İsayeva tərəfindən 2014-cü ildən başlayaraq ALPLogo proqramlaşdırma müsabiqəsi keçirilir. Həmin proqramlaşdırma haqqında əlavə tapşırıq və materialların dərslik və saytlardan əlavə vəsait olmaması yerlərdə ucqar kənd və internet istifadə etmək imkanı olmayan şagirdlər üçün çətinlik yaradır. Həmin problemi aradan qaldırmaq üçün Təhsil Nazirliyinin elan etdiyi Təhsildə inkişaf və innovasiyalar üzrə 3-cü qrant müsabiqə çərçivəsində fərdi kateqoriya üzrə qalib olmuş AlpLogo- məktəblilər üçün vəsiat layihəsinin icrası prosesinə avqust ayının əvvəlindən etibarən başlanılıb.

Layihənin əsas məqsədi şagirdlərdə ALPLogo proqramlaşdırma mühitinə maraq yaratmaq, AlpLogo dərslərinə dair vəsaitlər toplusu hazırlamaq və bu vəsaitlərdən istifadə edən Balakən rayon şagirdlərini müsabiqə mərhələsinə hazırlamaq, gələckdə rayondaxili müsabiqələrin keçirilməsini təşkil etmək, onlara bu sahədə bilik və bacarıq qazandırmaqdan ibarətdir. Vəsaitdə həmçinin həmin yaş qrupundan olan şagirdlərin hazırladıqları maraqlı kodlardan təşkil olunmuş fiqurlarada yer verilməsi nəzərdə tutulub. Layihənin icra müddəti 3 ay davam edəcək. Avqust ayının 2-dən layihənin icra prosesinə başlanılıb. İcra müddəti noyabr ayının 4-ü yekunlaşacaqdır.

Qeyd edək ki, Təhsil Nazirliyi tərəfindən elan olunan təhsildə inkişaf və innovasiyalar üzrə III qrant müsabiqəsin də Təşkilat komitəsi Ekspert Qrupunun rəyi əsasında ümum təhsil müəssisələri kateqoriyası üzrə 53, fərdi kateqoriya üzrə 115 layihənin dəstəklənməsini məqsədə uyğun sayılıb. Ümumilikdə 44 rayon və şəhər üzrə ümum təhsil müəssisəsi və müəllimlər qalib gəlib.

Əgər Təhsil Nazirliyi tərəfindən elan olunan təhsildə inkişaf və innovasiyalar üzrə III qrant müsabiqəsində fərdi kateqoriya üzrə qalib olmuş AlpLogo-məktəblilər üçün vəsait də sizində hazırladığınız işlərin olmasını istəyirsinizsə o zaman: AlpLogo proqramında hazırladığınız kodları ad, soyad, ata adı, sinif, yaşadığınız şəhər, təhsil aldığınız məktəbin adını və fənni tədris edən müəllimin ad və soyadını yazmaqla 01.10.2019-cu il tarixinədək aşağıdakı ünvana göndərə bilərsiniz.
[email protected]

Pərvin Hacıyeva