Olimpiada qalibləri gələn həftə mükafatlandırılacaq

05-05-2015 / 18:47

Xəbərlər-in əldə etdiyi məlumata görə, "ALPLogo mühitində proqramlaşdırma" olimpiadasının qaliblərinin mükafatlandırılması mərasimi gələn həftəyə nəzərdə tutulub.

Xatırladaq ki, 19 aprel 2015-ci il tarixdə 5-7 siniflər arasında keçirilən "ALPLogo mühitində proqramlaşdırma" olimpiadasının nəticələri məlum olub. Nəticələrlə burada tanış ola bilərsiniz.

ALPlogo proqramlaşdırma mühiti 5-ci, 6-ci və 7-ci sinif "İnformatika”  dərsliklərinə əlavə edilib. Proqram üç dili dəstəkləyir. LOGO proqramlaşdırma dilindən istifadə edib Bağaya komandalar verməklə, iş sahəsində maraqlı təsvirlər yaratmaq mümkündür.

LOGO proqramlaşdırma dili də digər proqramlaşdırma dilləri kimi uşaq və yeniyetmələrdə formal-məntiqi, yaradıcı təfəkkürün və tədqiqatçılıq qabıliyyətinin inkışafını təmin edir. LOGO mühitində xüsusi obyekt-icraçıdan, Bağadan istifadə olunur. Bağa adlandırılan robot-icraçı hərəkət edərkən canlı bağanın real həyatda qum üzərində hərəkəti zamanı buraxdığı iz kimi iz buraxır və onun bu iz qoyma xüsusiyyətindən istifadə edərək LOGO proqramlaşdırma mühitınin İş sahəsində müxtəlif təsvirlər qurulur.

“ALPlogo” proqramlaşdırma mühitinin Azərbaycan versiyası “İnformatika” dərsliyinin həmmüəllifləri – Ramin Mahmudzadə, İsmayıl Sadıqov, Naidə İsayeva və proqramçı Cəmşid Naxçıvanski tərəfindən yaradılaraq, V-VII  siniflər üçün dərslik komplektinə əlavə edilib. Artıq uzun illərdir ki, dünyanın bir çox ölkələrində LOGO dilində müxtəlif layihələr üzrə məktəblilər arasında müsabiqə və yarışlar keçirilir. Nəhayət, 2014-cü ilin aprel ayında isə Azərbaycanda ilk dəfə olaraq “ALPLogo” proqramlaşdırma mühiti üzrə məktəblilər arasında müsabiqə keçirilib. “ALPLogo” dili V-VII  sinif şagirdlərində ilkin proqramlaşdırma vərdişlərinin formalaşdırılmasına xidmət edir.

Mirvari Nəcəf

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.