“ATL Akademiya” ADA Universitetinin tələbələrinə güzəştli təhsil imkanı təqdim edir

07-06-2021 / 15:58

“ATL Tech” şirkətinin tədris müəssisəsi olan “ATL Akademiya” ADA Universitetinin tələbələrinə proqramlaşdırma və İnformasiya Texnologiyaları üzrə təhsil proqramlarında güzəştli iştirak imkanı təqdim edir.

Proqrama qəbul Universitetin İnformasiya Texnologiyaları və Mühəndislik fakültəsinin üçüncü kurs tələbələri arasında aparılıb. Proqramlaşdırma üzrə bacarıqlarını nümayiş etdirərək seçim prosesini uğurla keçən İnformasiya Texnologiyaları ixtisasının bakalavr tələbəsi Rəşad Kazımzadə və Kompüter elməri üzrə bakalavr təhsili alan Fəqan Rəsulov tam təqaüd əldə ediblər.

Tələbələr 20 may tarixindən etibarən “Building REST Services with Spring Boot (Backend Development)” tədris proqramı üzrə dərslərə başlayıblar.

Qeyd edək ki, proqramı tamamlayan məzunlar “ATL Tech” şirkətində 3 ay müddətində təcrübə keçmək imkanı əldə ediblər.

“ATL Academy” ölkəmizdə yüksək səviyyəli “texnologiya icması”nın və mütəxəssislərin formalaşmasına dəstək missiyası çərçivəsində mütəmadi olaraq istedadlı tələbələr üçün güzəştli təhsil, təcrübə, layihələrdə iştirak imkanı təqdim edir. ADA Universiteti ilə əməkdaşlıq çərçivəsində müxtəlif proqramlar üzrə tələbələrin seçiminin davam etdirilməsi nəzərdə tutulur.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə