Azərbaycan İKT sahəsində biznes-inkubator şəbəkəsini genişləndirir

22-05-2015 / 11:25

Mingəçevir texnoparkının ərazisində “Yüksək texnologiyalar parkı”nın İnkubasiya Biznes Mərkəzi yaradılacaq.

Xeberler.az-ın məlumatına görə, bu barədə  Yüksək Texnologiyalar Parkının icraçı direktoru Seymur Ağayev deyib.

Onun sözlərinə görə, İnkubasiya Biznes Mərkəzinin işi Bakıda fəaliyyət göstərən biznes-inkubatorun iş prinsipinə əsasən təşkil olunacaq ki, bu da regional səviyyədə innovativ ideyalar və layihələrin dəstəyinə səbəb olacaq: “Hazırda Bakıdakı biznes-inkubatora 40 layihə təqdim edilib. Uğurlu layihələrin sayı çoxaldıqca, digər sahələrdən İT sahəsinə potensial investisiyaların cəlb olunması da sürətlənəcək. Biznes-inkubatorumuzun məqsədi daha çox uğurlu layihə həyata keçirməkdir. Onların uğuru isə investisiya cəlb etmələri ilə ölçülür. Ümid edirik ki, yaxın zamanda potensial investorların start-applara vəsait yatırması genişlənəcək”.

S.Ağayev həmçinin qeyd edib ki, Yüksək Tüxnologiyalar Parkı potensial investorlar ilə bir neçə mümkün əməkdaşlıq istiqaməti müəyyənləşdirib. Onlardan biri potensial investorların Yüksək Texnologiyalar Parkının infrastrukturunun inkişafına investisiyaların cəlb edilməsi üçün fond infrastrukturunun yaradılmasında iştirak etməkdir: “Fond hesabına Yüksək Texnologiyalar Parkında ofislərin tikintisinə vəsait yatıran investorlar Texnoparkın ərazisində qüvvədə olan vergi güzəştlərindən istifadə edə biləcəklər. Vergi güzəştlərinin tətbiq edilməsi bu istiqaməti biznes üçün cəlbedici edir. Bu sahədə işləyirik və ümid edirik ki, bu istiqamətdə atdığımız addımlar yaxın zamanda öz təsdiqini tapacaq”.(trend)


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.