Sinam Qırğızıstanın keçirdiyi tenderdə iştirak edir

28-08-2015 / 12:55

Azərbaycanın İT şirkətlərindən olan Sinam Qırğızıstanın Mərkəzi Bankında sənəd dövriyyəsinin avtomatlaşdırılması üzrə tenderdə iştirak edir.
 
Şirkətdən Xeberler.az-a verilən məlumata görə, tender iki mərhələdən ibarətdir.
 
"Sentyabrın sonunadək tenderin birinci mərhələsi başa çatmalıdır, ikinci mərhələ isə bu ilin sonunadək keçiriləcək. Biz Azərbaycan Mərkəzi Bankında, Rabitə və Yüksək Texnologiyalar Nazirliyində və bir sıra digər dövlət qurumlarında tətbiq etdiyimiz avtomatlaşdırılmış sənəd dövriyyəsi sistemini Qırğızıstanda da tətbiq etmək niyyətindəyik", - deyə şirkətdən bildiriblər.
 
Sinam tərəfindən təklif edilən layihə elektron statistik baza və analitik hesabatlılıq sistemi tətbiqini nəzərdə tutur. Müxtəlif qrafik formaların yaradılması imkanı, eləcə də əvvəl bankda istifadə edilmiş sistem və elektron poçtun arxivləşdirilməsi də daxil olmaqla hesabatların generasiyası sisteminin yaradılması planlaşdırılır. Sistem disk sahəsindən optimal şəkildə istifadə etməyə və arxiv verilənlərini idarə etməyə imkan verir.
 
Layihə çərçivəsində bank və bank olmayan kredit təşkilatlarını idarə etməyə imkan verən proqram tətbiq edilməsi planlaşdırılır. Bu həll bank daxilində sənəd dövriyyəsindən keçən sənədlərin avtomatik şəkildə yenilənməsinə, eləcə də idarəetmə üçün zəruri olan bütün məlumatların daxil və analiz edilməsinə imkan verir.
 
Qeyd edək ki, Azərbaycan Mərkəzi Bankında layihə çərçivəsində layihələrin idarə edilməsi sistemi, daxil olmuş sənədlərin skan edilməsi və tanınması imkanına malik elektron sənəd dövriyyəsi sistemi tətbiq edilib.

Xeberler.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.