Azərbaycan və Qazaxıstan rəqəmsal telekommunikasiya dəhlizi yaradır

19-11-2019 / 18:34

Qazaxıstanın baş naziri Askar Mamin və Azərbaycanın Baş Naziri Əli Əsədov "TransCaspian Fiber Optic" (TCFO) layihəsinin - Xəzər dənizinin dibi ilə iki ölkə arasında fiber-optik rabitə xəttinin (FOCL) inşasına başlanması səbəbilə Aktau şəhərində keçirilən təntənəli mərasimdə iştirak ediblər.

Xeberler.az bildirir ki, bu barədə  Qazaxıstan baş nazirinin saytı məlumat verib.

Qitələrarası layihə olan TCFO Avropa ilə Asiya arasında rəqəmsal telekommunikasiya dəhlizi yaradacaq. Xəzər dənizinin dibi ilə 380-400 km uzunluğunda kabel çəkilməsi işləri "Transtelecom", "KazTransCom" və Azərbaycanın rabitə operatoru "AzerTelecom" tərəfindən həyata keçiriləcək. FOCL 2021-ci ilin sonunadək istifadəyə veriləcək və o, azı 4-6 terabit/san məlumat ötürücülüyü qabiliyyətinə malik olacaq.

"Azərbaycan Qazaxıstanın strateji tərəfdaşıdır. Dostluq və qarşılıqlı faydalı əməkdaşlıq prinsipləri Qazaxıstanın ilk Prezidenti - Elbası Nursultan Nazarbayev, Azərbaycan xalqının ümummilli lideri Heydər Əliyev və sonradan Azərbaycan Prezidenti İlham Əliyev tərəfindən qoyulub. Qazaxıstan Prezidenti Kasım-Jomart Tokayev Elbasının xarici siyasət kursunu davam etdirərək Azərbaycanla ikitərəfli əlaqələrin inkişaf etdirilməsinin və dərinləşməsinin xüsusi önəm verir", - A.Mamin deyib.

Qazaxıstan hökumətinin başçısı qeyd edib ki, TCFO birgə layihəsi yüksəksürətli və təhlükəsiz məlumat ötürülməsi infrastrukturunun daha da yüksək inkişaf səviyyəsinə çatmağa, aparıcı Avropa-Asiya magistral marşrutları sırasına daxil olmağa və məlumat ötürülməsi sahəsində dünyada layiqli yer tutmağa imkan verəcək.

A.Mamin və Ə.Əsədov iki ölkə arasında ticar-iqtisadi, investisiya, nəqliyyat-logistika, kənd təsərrüfatı, kosmik və mədəni-humanitar sahələrdə əməkdaşlığın vəziyyəti və perspektivlərini müzakirə ediblər.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.