“Azərbaycanda İnternet biznes : mövcud vəziyyət və inkişaf perspektivləri” konfransı keçiriləcək

27-06-2013 / 13:23

Startup Azərbaycan Təşkilat Komitəsi bildirir ki, iyulun 4-də “Azərbaycanda İnternet biznes : mövcud vəziyyət və inkişaf perspektivləri” mövzusunda  Konfrans keçiriləcək.

Konfransın məqsədi ölkədə İnternet biznesin, xüsusilə də milli Startupların mövcud vəziyyəti və inkişaf perspektivləri ilə bağlı maraqlı tərəflərin iştirakı ilə müzakirələr aparmaqdır. İnternet-biznesin inkişafını ləngidən problemlərin səbəbləri və onların aradan qaldırılması yolları ilə bağlı səslənən təkliflər ümumiləşdirilərək  maraqlı tərəflərə  təqdim olunacaq.

Konfransda Startup Azərbaycan layihəsinin yekunları haqqında təqdimatlar olacaq, Startup Azərbaycan Müsabiqəsinin finalçıları elan olunacaq və onların investorlarla görüşləri ( pitç-sessiya) təşkil olunacaq.

Konfrans 3 paneldən ibarət olacaq :
1) “İnternet layihələrə dövlətin və özəl sektorun dəstəyi. İT investor nə üçün tapılımır?. 
2) “Milli ödəmə sistemləri və mobil ödəmələr. Elektron ticarət və “nağdsız cəmiyyət”
3) “Azərbaycanda mövcud onlayn startup bazarı. Yeni ideyalar yoxsa köhnə, artıq mövcud ideaların “kopyası” . Startup var pul yoxdur , yoxsa pul var startup yoxdur”

Konfrans ərəfəsində finala çıxan startuplarla investorların qapalı görüşü (  pitç sessiya) təşkil olunacaq.

Konfransda startuplar sahəsində bütün maraqlı tərəflər -  startup komandaları, dövlət qurumaları və texnoparkların nümayəndələri, İnvestorlar və İT şirkətlər, mentorlar və ekspertlər diskussiya aparmaq və əlaqələr qurmaq üçün real imkanlar qazanacaqlar.

Konfransla bağlı əlavə məlumat almaq, təklif və rəylər təqdim etmək üçün  əlaqə: [email protected]

Startup Azərbaycan Layihəsinə  Rabitə və İnformasiya Texnologiyaları nazirliyi dəstək verir.

Startup Azərbaycanın Baş sponsoru Bakcell şirkətidir. 
Microsoft, İnfi Pro şirkətləri də Startup Azərbaycanın sponsorlarıdır.
Geniş məlumat : www.startup.az


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.