İnnovasiya və Rəqəmsal İnkişaf Agentliyinin dəstəyi ilə Azərbaycanın 4 oyun studiyası (“Darts Games”, “Cool Bears Game Studio”, “Dynamic Box Studio”, “AzDimension”) Almaniyanın Köln şəhərində keçirilən və dünyanın ən böyük oyun sərgisi hesab edilən “Gamescom”da iştirak edib.
Xeberler.az Azərtac-a istinadən məlumat verir ki, ölkəmizi təmsil edən “Dynamic Box” studiyası öz fərdi stendində “Madness Afloat” oyununu nümayiş etdirib və bu da Azərbaycandan olan tərtibatçının tanınması baxımından tədbir iştirakçılarının xüsusi marağına səbəb olub.
Tədbirdə, eyni zamanda, İRİA-nın İnnovasiya ekosistemi departamenti, Startap ekosisteminin quruculuğu şöbəsinin müdiri Camal Ağayev, həmçinin İnvestisiyalar və ekosistemə dəstək şöbəsinin layihə meneceri Nikita Yudin də iştirak ediblər. İRİA-nın əməkdaşları bir sıra aparıcı oyun şirkətləri və oyun nəşriyyatçıları (oyunları rəqəmsal platformalarda yayan şirkətlər) ilə bu sahənin Azərbaycanda inkişaf etdirilməsi və əməkdaşlıq mövzularında görüşlər keçiriblər.
Qeyd edək ki, hər il 80-dən çox ölkədən 30 000-dən çox iştirakçını cəlb edən “Gamescom” sərgisi studiyalar üçün investorlara, oyun yayıncılarına və qlobal auditoriyaya çıxış əldə etmək baxımından unikal imkanlar yaradır. Azərbaycan studiyalarının “Gamescom”da iştirakı ölkənin yaradıcı rəqəmsal sənayelərinin inkişafı, o cümlədən qabaqcıl qlobal təcrübənin öyrənilməsi məqsədilə müstəsna əhəmiyyət daşıyır.
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Azərbaycanda e-hökumətin inkişafinda yeni sosial tələbləri nəzərə alan xidmətlərin genişləndirilməsi perspektivləri