MOBİL RABİTƏ

Oktyabrın 15-də Azərbaycanın aparıcı şirkətləri, eləcə də dövlət və qeyri-dövlət təşkilatlarını bir araya gətirən Dayanıqlı İnkişaf və Korporativ Sosial Məsuliyyət üzrə 1-ci Azərbaycan Konfransında Azercell də iştirak edib.

Şirkətdən Xeberler.az-a verilən məlumata görə, konfransda korporativ sosial məsuliyyətlər üzrə yerli və qlobal təcrübənin və bu istiqamətdə fəaliyyət göstərən beynəlxalq qurumların təcrübəsinin təqdim edilməsi, özəl şirkətlərin KSM siyasəti çərçivəsində sosial layihələrdə daha effektiv iştirak etməsinə və təşviq edilməsinə zəmin yaradılması, vətəndaş cəmiyyətində korporativ sosial məsuliyyət anlayışının formalaşması və inkişafı mövzusunda müzakirələr aparılıb.

TeliaSonera şirkətinin Korporativ əlaqələr üzrə vitse‐prezidenti Ülviyyə Həsənzadə konfransın İKT Müəssisələrinin  Korportaiv Sosial Siyasəti və  Cəmiyyətə Sosial Təsiri  bölümündə moderator kimi, Azercell-in Strateji Partnyorluq və Müştəri Kanalları departamentinin direktoru İmran Bağırov isə məruzəçi kimi cıxış ediblər. Ülviyyə Həsənzadə öz çıxışında İKT sektorunun dünyanın əksər yerlərində artım və innovasiya üçün aparıcı qüvvə olduğunu vurğulayıb.

Azercell-in Strateji Partnyorluq və Müştəri Kanalları departamentinin direktoru İmran Bağırov isə  Azərbaycanin İKT sektorunun dayanıqlı inkişafı üçün çağırışlar və perspektivlər mövzusunda məruzəçi kimi çıxış edərək Barama və onun həyata keçirdiyi layihələr, innovasiyalar haqında danışıb və dayanıqlı və innovasiya yönümlü inkişaf naminə biznesləri partnyorluğa dəvət edib.

Xeberler.az