Bakutel 2015 çərçivəsində hansı tədbirlər təşkil ediləcək?

10-11-2015 / 11:06

Məlumat verdiyimiz kimi,  Rabitə və Yüksək Texnologiyalar Nazirliyinin (RYTN) dəstəyi və təşkilatçılığı ilə 2-5 dekabrda Bakutel-2015 sərgisi baş tutacaq.

Nazirlikdən Xeberler.az-a verilən məlumata görə, Bakutel  21-ci beynəlxalq sərgi-konfransının təşkili məqsədilə hazırlanmış Tədbirlər Planı artıq təsdiq edilib.
 
Tədbirlər Planında   Digital Single Market adlı konfrans və nazirlər toplantısının, Qara Dəniz İqtisadi Əməkdaşlıq Təşkilatının elm və texnologiya sahəsində əməkdaşlıq üzrə nazirlər toplantısının, 3-cü Azərbaycan-Belarus İKT Forumunun, İnformasiya cəmiyyətinin inkişafı üzrə yüksəksəviyyəli İşçi Qrupunun iclasının, 2-ci Azərbaycan-İsrail İKT Forumunun keçirilməsi qeyd edilib.

Həmçinin 3-cü “Regional İnternet İdarəçilik Forumu Azərbaycan” (RİFAZ 2015) tədbirinin, “Azərbaycan Respublikasında İKT infrastrukturunun və İKT xidmətlərinin davamlılığının və səmərəliliyinin modernləşdirilməsi layihəsi” və UNDESA-nın birgə təşkilatçılığı ilə dövlət qulluqçuları üçün nəzərdə tutulmuş “Təkmilləşmiş dövlət xidmətlərinin çatdırılması üçün e-hökumətin təbliği” seminarıın  və RYTN və Azərbaycan Milli Elmlər Akademiyasının birgə təşkilatçılığı ilə “Big data: imkanlar, multidisiplinar problemlər və perspektivlər” respublika elmi-praktiki konfransının təşkili məsələləri də Planda təsdiqlənib.
 
Tədbirlər Planında Bakı Ekspo Mərkəzində sərginin keçirilməsi ilə əlaqədar 11 000 m2 təchiz olunmuş sahənin, konfrans zallarının və təşkilati işlərin görülməsi üçün nəzərdə tutulan otaqların icarəyə götürülməsi, Bakı Ekspo Mərkəzində və tədbir ərəfəsində təşkil olunacaq digər iclasların keçiriləcəyi məkanlarda lazımi texniki və ofis avadanlıqlarının təşkili, tədbirlərin tərcüməçilərlə təmin olunması, eləcə də tədbirlərin təşkilinə RYTN-in şöbələri və istehsalat birliklərinin nümayəndələrinin cəlb olunması, tədbirlər üçün çap materiallarının hazırlanması nəzərdə tutulub.
 
Tədbirlər Planına görə, tədbir mətbuatda işıqlandırılacaq və tədbirə mətbuat nümayəndələri dəvət ediləcək. 

Məltəm Talıbzadə 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.