“Bakutel aparıcı biznes rəhbərlərinin görüş yeridir”

05-12-2017 / 10:06

Bu gün Azərbaycanda Yüksək Texnologiyalar Həftəsi başlayıb.

Belə ki, hazırda Telekommunikasiya və İnformasiya Texnologiyaları Bakutel-2017 sərgi-konfransı keçirilir.

Xeberler.az-ın məlumatına görə, bu gün sərginin açılış mərasimi baş tututb.

Açılış mərasimində nəqliyyat, rabitə və yüksək texnologiyalar naziri Ramin Quluzadə, ITE Group şirkətinin regional direktoru Edvard Strun və digər rəsmi qonaqlar iştirak edib.

Ramin Quluzadə çıxışında qeyd edib ki, artıq 23 ildir regionun ən vacib İKT hadisələrindən olan Bakutel sərgisi bu sahənin adamlarını bir araya toplayır.

Onun sözlərinə görə, sərgi-konfransı müxtəlif ölkələri əhatə edən dövlət və ictimai xadimləri, aparıcı biznes rəhbərlərinin ənənəvi görüş yeridir.

Ramin Quluzadə bildirib ki, Bakutel-də İKT sektorun nümayəndələri qlobal əhəmiyyətli layihələr, gələcək inkişaf prespektivləri barədə müzakirələr aparır, qərarlar qəbul edir.

Nazir onu da vurğulayıb ki, həmçinin Bakutel yeni texnologiyalar və həllər üçün maraqlı məkandır.

R. Quluzadə sərgidə şirkətlərlə yanaşı, startapların da yeni layihələr təqdim etdiyini də deyib. Onu sözlərinə görə, Bakutel statapların investor tapması üçün yeni şansdır.

Edvard Strun da çıxışında Azərbaycanda İKT sahəsində görülən işlərin timsalında Bakutel sərgisini yüksək qiymətləndirib. O, sərgi iştirakçılarına uğur arzulayıb.

Daha sonra rəsmi nümayəndələr şirkətlərin stendləri ilə tanış olub.Onlara yeni məhsullar haqda ətraflı məlumat verilib.

Qeyd edək ki, Bakutel sərgisində 20 ölkəni təmsil edən 192 şirkətin iştirak edir.

Şirkətlər arasında Azərbaycan, Amerika Birləşmiş Ştatları, Birləşmiş Ərəb Əmirlikləri, Çin, Finlandiya, Fransa, İsveç, Niderland Krallığı, Türkiyə və digər ölkələr var.

Belə ki, sərgiyə ilk dəfə BMC Software, Hikvision, Qmatic, Nexus Telecom şirkətləri qatılıb.

Sərgidə AIRBUS şirkəti də təmsil olunur.

Bu il dünyanın 10 ölkəsi – Rusiya, Birləşmiş Ərəb Əmirlikləri, İran, İtaliya, Fransa, Kanada, Sloveniya, Türkiyə, Gürcüstan və Xorvatiya milli pavilyonlarında innovativ layihələr, eləcə də İKT sahəsində məhsul və xidmətlərini təqdim edir.

Nəqliyyat, Rabitə və Yüksək Texnologiyalar Nazirliyinin tabeli qurum və müəssisələri eyni milli pavilyonda məhsul və xidmətlərini, həyata keçirdiyi layihələri təqdim edir.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.