AMEA Fizika İnstitutunun innovasiya sektorunun əməkdaşları epitaksial təbəqələrdə (Zn, Sn, Mn)As2) antiferromaqnit-ferromaqnit faza keçidləri ilə bağlı geniş tədqiqat işi aparırlar.
Qeyd edilən tədqiqat istiqaməti spin-sahə tranzistorları və yaxın gələcəkdə yeni nəsil informasiya-kommunikasiya texnologiyaları avadanlıqlarının yaradılmasında mühüm perspektivlərə malik spintronika ilə sıx bağlıdır. Epitaksial təbəqələrdə antiferromaqnit-ferromaqnit faza keçidləri ilə əlaqədar tədqiqat işinin əsas hissəsi kompüter modelləşdirilməsi yolu ilə aparıldığından əlavə hesablama resurslarına tələbat yaranıb.
Bu səbəbdən AMEA İnformasiya Texnologiyaları İnstitutunun AzScienceNet Elm-Kompüter Şəbəkəsinin mütəxəssisləri tərəfindən AMEA Fizika İnstitutunun əməkdaşlarına bir il müddətinə 24 nüvəyə və 16 GB əməli yaddaşa malik olan virtual maşınlardan istifadə hüququ verilib.
Bu barədə Xeberler.az-a AMEA-dan məlumat verilib.
Qeyd edilib ki, bu maşınlar Fizika İnstitutunda epitaksial təbəqələrdə antiferromaqnit-ferromaqnit faza keçidləri ilə bağlı aparılan tədqiqat işlərində qarşıya qoyulan məsələlərin qısa vaxt ərzində həll edilməsinə imkan verəcək.
AzScienceNet şəbəkəsi, həmçinin Fizika İnstitutunu Cloud Computing və Cloud Storage xidmətləri ilə təmin edir.
Bu yaxınlarda Fizika İnstitutunun Grid mərkəzi fiber-optik kabel vasistəsilə AzScienceNet şəbəkəsinə qoşulmuş və mərkəzin əməkdaşlarına şəbəkənin xidmətlərindən istifadə imkanı təqdim olunub.
Məltəm Talıbzadə
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları