MÜSAHİBƏ

Azərbaycan İnternet Formunun Prezidenti, ekspert Osman Gündüz məsələyə münasibət bildirib:

"Belə görünür ki, fond kirayə mənzil ilə bağlı modulu sıfırdan yenidən qurub. Bildiyim qədər hazırkı sistem CyberNet şirkəti, ASAN və Fondun İT komandası ilə birgə testdən keçirilib. Maraqlıdır ki, dövlət informasiya sistemlərinin təhlükəsizliyinə cavabdeh qurum olan XDMX və NRYTN bərpa proseslərinə cəlb edilməyib.

Kirayə mənzil seçimi necə baş verəcək ?
Görünür ki, Fond tələb-təklif münasibətlərinin kəskin fərqli olmasını nəzərə alaraq kirayə mənzil seçimini bir neçə mərhələyə bölüb.

Kifayət qədər mürəkkəb seçim mexanizmi yaradılıb. Oflayn proseslərə, insan amilinin daha çox rol oynadığı proseslərə üstünlük verilib. Yəni, kirayəçinin adicə müraciətinin qəbulu və əhatəli qiymətləndirmənin aparılması da oflayn qaydada həyata keçiriləcək. Belə görünür ki, bu proseslərdə insan amili MİDA-ya nisbətən daha çox rol oynayacaq.

Vətəndaşlar yalnız Fondun razılıq qərarından sonra, həm də, qabaqcadan kirayə mənzil siyahılarında gördüyü mənzilləri deyil , Fondun razılıq qərarında qeyd etdiyi mənzilləri seçə biləcəklər.
Əgər bu seçim uğurlu olacaqsa yalnız bundan sonra vətəndaş KİRAYƏÇİ statusu qazana biləcək.

Düşünürəm ki, prosesin şəffaf və ədalətli keçirilməsi üçün indiki halda demək olar ki, heç bir imkan yaradılmayıb.

Vətəndaşlar növbəni görə bilmirlər, qərarların qəbulu prosesində iştirak edə bilmirlər, qərarların kimlər tərəfindən qəbul ediləcəyi haqqında məlumat yoxdur. Ümumiyyətlə bu prosesin informasiya təminatı hədsiz dərəcədə zəifdir.
Düşünürəm ki, Fond prosesə bazalaşmazdan önzə öz informasiya resurslarında kirayə mənzil prosesinin real vaxtda gedişatını əks etdirəm statistikanı, prosesin özünün gedişatını yerləşdirməlidir. İnfoqrafikalar hazırlamalıdır. Vətəndaşlar üçün , media və vətəndaş cəmiyyəti üçün ictiami nəzarət imkanları yaratmalıdır.
İlkin qiymətləndirmə və əhatəli qiymətləndirmə proseslərinin daha şəffaf quruması, qiymətləndirmənin ASAN-a həvalə edlməsi, müstəqil ekspertlərin bu prosesə cəlb edilməsi daha doğru yanaşma olardı.

Qabaqcadan açıqlanan kirayə mənzil siyahısından fərqli olan siyahının da seçim üçün vətəndaşa təqdim edilməsi sui-istifadə hallarına imkan yarada bilər.
Ümumiyyətlə belə görünür ki, indiki halda prosesdə korrupsiya riskləri yetərincə yüksəkdir və ictimai nəzarət imkanları olduqca məhduddur".