Yeni medianın tədris modulları Elmi Şurada təsdiqlənib

30-05-2012 / 10:17

Multimedia Mərkəzi bildirir ki, Mərkəzin  hazırladığı Yeni medianın tədris modulları BDU–nun jurnalistika fakültəsinin Elmi Şurasında müzakirə edilib.

Xeberler.az-ın məlumatına görə, Elmi Şuranın sədri, fakültənin dekanı, professor Şamil Vəliyev Yeni medianın tədris modulları haqqında məlumat verib.

Ölkə universitetlərinin jurnalistika fakültələrində tədrisi nəzərə tutulan dörd yeni media fənninin proqramlarının hazırlandığını bildirib.  Modulların  Kafedraların Metodiki Şurasında müzakirə edildyi diqqətə çatdırılıb.
O,  ölkədə formalaşmaqda olan yeni media bazarının tələblərinə uyğun kadrların hazırlanması üçün bu fənlərə ciddi ehtiyac olduğunu qeyd edib.

Jurnalistika fakültəsinin dekan müavini Əli Hacıyev Yeni mediaya giriş fənninin fundamental fənn olaraq,  Onlayn Jurnalistika , Multimedia Jurnalistika və Sosial media fənlərinin isə seçmə fənn olaraq  qəbul edilməsinin məqsədəuyğun olacağını bildirib.

O, fənlərin tədris planlarındakı yeri haqqında da fikirlərini bildirib. Yeni mediaya giriş fənninin 2-ci kursda , digər  seçmə fənlərin isə növbəti kurslarda tədrisinin nəzərdə tutulduğunu qeyd edib.

Universitetdə İnternet jurnalistika fənnini tədris edən, Multimedia Mərkəzinin direktoru Osman Gündüz çıxış edərək yeni medianın tədris modullarının hazırlanmasında beynəlxalq təcrübənin və  ölkədə mövcud olan media bazarında kadrlarla bağlı tələb-təklif münasibətlərinin nəzərə alındığını vurğulayıb.

Müzakirənin sonunda Elmi Şuranın sərdi Şamil Vəliyev proqramlarla bağlı sualları cavablandırıb. Yeni tədris modullarının çap olunması qərara alınıb.

Multimedia Mərkəzi bir daha bildirir ki, bundan öncə də jurnalistika təhsili verən universitetlərin və  ekspertlərin  iştirakı ilə adı çəkilən tədris modullarının geniş  müzakirəsi keçirilib.

 

Xeberler.az

 

 

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.