Dünyanın aparıcı Bitget kripto platformasının Azərbaycanın rəqəmsal maliyyə bazarına daxil olur.
Xeberler.az bildirir ki, bununla bağlı Azərbaycan İnternet Formunun Prezidenti, ekspert Osman Gündüz münasibət bildirib.
Təqdimat mərasimində iştirak edən ekspert bildirib ki, Bitget kripto platformasının Azərbaycanın rəqəmsal maliyyə bazarına daxil olması bu sektorun inkişafına ciddi təkan verəcək:
"Bu gün təşkil olunan təqdimatdan da görünürdü ki, yetərincə böyük kriptobirjadır. Dövriyyə milyardlarladır.
Düşünürəm ki, Bitget ölkəmizdə treyderlər və investorlar üçün yeni ticarət imkanları yaradacaq.
Binance-dən sonra Azərbaycan bazarına Bitget in də daxil olması sektorda rəqabətli mühitin də inkişafına dəstək olacaq.
Yeni iş yerlərinin açılmasına şərait yaradacaq".
Osman Gündüzün fikrincə Mərkəzi Bankın bu sahəyə daha yumşaq münasibət sərgiləməsindən sonra ölkədə yerli kripto bazarda canlanma diqqət cəlb edəndir:
"Xatırladıram ki bir müddət öncə Mərkəzi Bankın dəstəyilə SandBox çərçivəsində ölkənin ilk koini-PortCoin kriptovalyutası yaradılıb.
Bitget yerli bazarın inkişafına, universitetlərlə əməkdaşğın gücləndirilməsinə, startap ekosistemə, blockchain və kripto sahəsinin inkişafına yönəlik tədbirlərə dəstək göstəriləcəyini bildirib.
Platformanın Azərbaycan dilinə tərcüməsi, Azərbaycan dilində öyrədici materialların yerləşdirilməsi faydalı olardı".
