Ekspert : Azərkosmos fəaliyyətini daha da canlandırsa gəlirləri artırmaq mümkün olar

08-02-2019 / 17:15

Çəkilən xərci geri qazanmaq və əlavə gəlir əldə etmək üçün təqribən 10 il vaxt qalıb.

2013-cü ilin 8 fevral tarixində Azərbaycanın ilk peyki Azerspace-1 peyki Fransız Qvianasında yerləşən Kuru kosmodromundan Fransanın Arianespace şirkəti tərəfindən Ariane-5 daşıyıcı raketi ilə buraxılıb. Azərbaycanın ilk rabitə peyki Amerikanın "Orbital Sciences Corporation" şirkəti tərəfindən inşa olunub.

Bu hadisədən sonra “Azerspace-1” peyki Azərbaycan ərazisində teleradio yayımı və telekommunikasiya xidmətləri göstərdi, və eləcə də korporativ və hökumət müştərilərinin tələblərinə cavab verən keyfiyyətli və dayanıqlı rabitə platformalarını təmin etdi. Hazırda peykin imkanlarından necə istifadə edilir?

Xeberler.az  bildirir ki, bu sualı  AzNews.az Azərbaycan İnternet Forumunun prezidenti Osman Gündüzə ünvanlayıb.

Ekspert, peykin orbitə buraxılmasının bu sahədə kadrlar yetişdirilməsi üçün çox müsbət addım olduğunu deyib:

“2013-cü ildə bizim ilk telekommunikasiya peykimiz orbitə qalxdı. Ötən il isə daha ikinci telekommunikasiya peykimiz orbitə göndərildi. Bu sayca 3-cü peyk olsa da telekommunikasiya baxımından ikincidir. Azərbaycan peykinin orbitə qalxması ölkənin imici, bu sahədə kadrların yetişdirilməsi, kosmik infrastrukturun formalaşması dünyada kosmik sferada resursların bölünməsində iştirak baxımından kifayət qədər əhəmiyyətli məsələdir. Belə diyə bilərik ki, Azərbaycan üçün bunun dolayısı ilə əhəmiyyəti yetərincədir. Burada təbii ki, risklər də var. Bu böyük vəsaitlər tələb edən layihədir və peyklərin də ömrü o qədər də uzun olmur. Onların haradasa 15-16 il istifadə müddəti var. Burada risk budur ki, gərək vaxtında yatırım etdiyin pulu çıxara biləsən. Düzdür, Azərkosmos həm ölkədaxili müəyyən şirkətlər və dövlət qurumları ilə, o cümlədən də beynəlxalq aləmdə iş birlikləri qurur. Mən düşünürəm ki, hələlik atılan addımlarla arxayınlaşmaq olmaz. Çəkilən xərci geri qazanmaq və əlavə gəlir əldə etmək üçün təqribən 10 il vaxt qalıb. Hələlik xərclərin böyük bir hissəsi ordan çıxarılmayıb. 10 il böyük zamandır, mən düşünürəm ki, Azərkosmos fəaliyyətini daha da canlandırsa, beynəlxalq əməkdaşlıqlarını gücləndirsə, yeni müştərilər tapsa, həmin müştərilərlə yaxşı müqavilələr imzalasa, yeni xidmətlər versə, gəlirləri artırmaq mümkün olar. Orada xeyli gənclər çalışır, yeni komanda formalaşıb. Onların bunu bacaracaqlarına əminəm. Amma hələ ki arxayınlaşmaq üçün əsas yoxdur”.


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.