Dövlət qurumlarında toplanan datalardan kimlər istifadə edir?

19-11-2021 / 17:40
"Dövlət qurumlarının əksərində son illər ərzində xeyli məlumat bazaları, data toplanıb. Müşahidələrimiz göstərir ki, bir çox dövlət qurumları bu datadan yalnız özləri istifadə etməyə üstünlük verirlər. Bir çox dövlət qurumları isə artıq bu datalar üzərində əməlli-başlı biznes, kommersiya qurublar. Digər özəl və hətta dövlət qurumlarına bu datalara giriş imkanları yaratmaqda maraqlı deyillər".
 
Xeberler.az bildirir verir ki, bu sözləri Azərbaycan İnternet Formunun Prezidenti, ekspert Osman Gündüz deyib.
 
Osman Gündüzün sözlərinə görə, dövlət qurumlarında toplanan datalar üzərində inhisarçılıq yolverilməzdir, bu tip yanaşma olduqca qüsurludur.
 
"Bu cür yanaşma rəqəmsal transformasiyanı, süni intellektin inkişafını və tətbiqini ləngidir, sərbəst və azad rəqabəti məhdudlaşdırır,
 
Dövlətə məxsus olar resurslar, məlumat bazaları bəzi istisnalarla tam açıq olmalıdır. Nəinki dövlət sektoru üçün, həmçinin vərəndaşlar və biznes sektoru, tədqiqat qrupları üçün bu datalara giriş imkanları yaradılmalıdır.
 
Həm də bu datalar emal oluna biləcək səviyyədə olmalıdır ki, maraqlı tərəflər ondan daha effektiv istifadə edə bilsinlər, təhlil və tədqiqat apara bilsinlər, lazım gələrsə bu datalardan istifadə etməklə biznes qura bilsinlər".
 
Ekspert bildirib ki, bizim bəzi dövlət qurumlarımız isə bu dataları emal oluna biləcək səviyyəyə gətiriblər, lakin ya özləri biznes qururlar, ya da yaxın bildikləri qurumlarla separat sövdələşmə edərək özəl biznes yaradırlar.
 
"Fikrimcə Açıq Məlumat Bazaları ilə bağlı məsələnin də indiyədək, RİNN və VXSİ Dövlət Agentliyi arasında, necə deyərlər “açıq” qalması da bu problemin həllinə maneçilik törədir.
 
Düşünürəm ki, Açıq Məlumat Bazaları ilə bağlı qanunvericilik təkmilləşdirilməlidir. Açıqlanması məcburi olan dataların siyahısı müəyyən olunmalıdır və Portalda yerləşdirilməlidir.
 
Uzun müddətdir ki, Açıq Məlumat Portalında yerləşdirilən məlumatlarda dəyişiklik yoxdur. Qonşu ölkələrin, digər ölkələrin oxşar resursları ilə müqayisədə bizin Opendata.az resursu çox “kasıb” görsənir.
 
Düşünürəm ki, RİNN və EHİM adı çəkilən resursun təkmilləşdirilməsi və yenilənməsi üçün, müvafiq tənzimləyici aktların qəbulu üçün səylərini gücləndirməlidirlər",

ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.