"DİM gec də olsa qəbul nəticələrini açıqlayıb. Güman ki, bundan sonra ali təhsil müəssisələri qəbul olan tələbələrdən qeydiyyat üçün müxtəlif arayışlar istəməyə başlayacaqlar".
Xeberler.az bildirir ki, bu sözləri Azərbaycan İnternet Formunun Prezidenti Osman Gündüz deyib:
"Baxmayaraq ki, on illərdir ölkədə e-gov quruculuğu aparılır hələ də bizdə arayış problemi həll olmayıb.
Səlahiyyətli qurum olan VXSİ Dövlət Agentliyi yanında Elektron Hökumətin İnkişafı Mərkəzi indiyədək bu problemi həll edə bilməyib.
myGov-da vətəndaşlar xeyli arayışlar əldə edə bilsə də bunların heç bir hüquqi əsası yaradılmadığından bu resursdan istifadə edənlər demək olar yoxdur.
Çünki dövlət qurumları arasında inteqrasiya olmadığından, müvafiq hüquqi mexanizmlər yaradılmadığından vətəndaşlardan hələ də kağız formada arayışlar tələb olunur.
Düşünürəm ki, Dövlət Agentliyi qanunvericiliyi sadələşdirərək, optimallaşma apararaq ya arayışların ləğvi məsələsini gündəmə gətirməli, ya da MyGov- da əziyyət çəkərək hazırlagığı elektron arayışların hüquqi əsaslarını yaratmalıdır".
