Ekspert: Biz nə zaman öz efir məkanımıza nəzarət edə biləcəyik?

11-06-2019 / 10:38

"Efirdə profilaktika işləri ilə bağlı NRYTN bütün ölkə ərazisində Radio və TV-lər işləməyəcəyini elan etmişdi. Çünki inhisarçı qurum olan Teleradio İstehsalat Birliyi belə istəyir. Efirə cavabdeh qurum olan MTRŞ isə milli teleradio qurumlarımız kimi sadəcə susub. Düzü, anlamıram MTRŞ 2019-cu ildə, bu qədər resurslara malik olduğumuz halda, müharibə şəraitində olduğumuz bir halda bununla necə razılaşa bilir. Xüsusən də, bir neçə gün öncə Prezident informasiya savaşının vacibliyindən danışırdı. Belə çıxır ki, biz vətəndaşlarımıza deməliyik ki , gözləyin, zəruri informasiyanı sizə axşam və ya sabah verəcəyik. Və ya düşmənlərə deməliyik ki, bu gün "atəş" açmayın , çünki biz bu gün sizə cavab verə bilməyəcəyik. Absurd bir vəziyyətdir"

Xeberler.az  məlumat verir ki, bu sözləri Azərbaycan İnternet Forumunun prezidenti, İKT sahəsi üzrə ekspert Osman Gündüz bildirib. Ekspert bu sahəyə resurslar;n, vəsaitlərin ayrılmalı olduğunu qeyd edib:

"Xatırlayıram ki bir - iki il öncə böyük vəsaitlər hesabına alternativ teleqüllə tikildi. Yəni hazırda NRYTN-nin inhisarçı qurumu olan Teleradio Birliyi ilə yanaşı ayrı bir teleqülləmiz də olmalıydı.  Bu alternativin də məhz profilaktikanın qarşısını almaq, dayanıqlı informasiya təminatı üçün qurulduğu bildirilirdi. Bəs nə baş verdi? 
Nə üçün yenidən bizim milli informasiya resurslarımz ildə bir neçə dəfə tam  susmalıdır. 
Bildiyim qədər cənub bölgəmizdə İranın 20 radiosu meydan sulayır, Şimal-Qərbdə Əyriçayı keçəndə Gürcüstan radioları efirimizə hökmranlıq edir. Digər sərhəd bölgələrimzidə də eyni situasiyadır. Hörmətli Nuşirəvan müəllimdən, Hökumətdən və Prezident Administrasiyasından soruşmaq istərdim ki necə ola bilər ki, uzun müddət bu proses davam etsin. 

Nə zaman biz öz efir məkanımıza nəzarət edə biləcəyik ?

Azərbaycanda 14 ümumrespublika radiosunun əksəri ölkənin sərhəd bölgələrində keyfiyyətli yayım edə bilmirlər. Əksər radiolarımız Şamaxıdan o tərəfdə işləmir.
Belə olan halda NRYTN, TV və Radio şirkətləri, MTRŞ nəyin profilaktikasını edirlər, anlaşılmazdır. Düşünürəm ki, ümumiyyətlə ölkəmizin efir məkanı ilə bağlı ciddi işlər görülməlidir. Bu sahəyə resurslar, vəsaitlər ayrılmalıdır.  Milli efir məkanının texniki-texnoloji inkişafı və teleradio sahəsinin inkişafı üçün dövlət proqramı hazırlanmalıdır"


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.