Ekspert: "Qızıl alma" F-16 və ya F-35-lə rəqabətə girə biləcəkmi?

01-09-2022 / 17:40

Reaktiv "Qızıl alma" hətta müasir müharibə konsepsiyasına da yenidən baxmağı tələb edəcək.

Xeberler.az bildirir ki, bu barədə Azərbaycan İnternet Forumunun Prezidenti, ekspert Osman Gündüz öz feysbuk səhifəsində paylaşım edib.

"Samsun şəhərində təşkil olunan növbəti TEKNOFEST-də pilotsuz, səsdən sürətli "Qızıl alma" (Kızılelma) qırıcısının yeni prototipi təqdim edilib. Xeyli üstünlükləri var. Gəmi göyərtəsinə eniş etmək, 1500 kg silah götürmək, 10 min metr hündürlükdə 5 saat havada qalmaq, radarlardan yayınmaq, çevik manevrlər etmək, süni intellekt texnologiyası ilə sürü halında fəaliyyət göstərmək və s. kimi xüsusiyyətlərə malikdir.

Belə görünür ki, "hava-hava" tipli xüsusiyyətləri nəzərə almasaq digər bütün sahələrdə Bayraktar "Qızıl alma" gələcəkdə xeyli bahalı olan F-16 və ya F-35-in bir çox xüsusiyyətlərini mənimsəyə bilər. Artıq hətta "Akıncı"nın faydalı yükgötürmə qabiliyyəti F-16 səviyyəsindədir.

Bir çox inkişaf etmiş ölkələrin yuxusuna haram qatan bu reaktiv qırıcının gələn il istehsalı gözlənilir. Bu silah qırıcılar üçün tam yeni nəsil hesab olunur. "Qızıl alma" nın Ukraynada qurulacaq "Baykar" zavodunda istehsalı planlanır. Mühərriki və elektronikasının müəyyən hissələri, proqram təminatları Ukraynada istehsal olunacaq.

Məlum olduğu kimi, 2021-ci ildə Türkiyə və Ukrayna arasında imzalanan memoranduma və cari ilin fevralında imzalanan müqaviləyə əsasən, artıq ötən ay "Baykar"ın Ukraynada zavodunun inşasına başlanıb. Ötən ay "Baykar"ın rəhbəri Haluk Bayraktar da Ukraynada olub və açıqlamalar verib. Bu zavodda gələn ildən etibarən "BayraktarTB2", "Bayraktar Akıncı" və "Bayraktar Kızılelma" istehsalı nəzərdə tutulub.

Yeri gəlmişkən, maraqlıdır ki, bir müddət əvvəl Ukraynadan qayıdan Haluk Bayraktar, heç bir Bayraktar məhsulunun heç vaxt Rusiyaya satılmayacağını da açıqlayıb".

 

 

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.