Ekspert: Sosial şəbəkələrin forması dəyişəcək

19-09-2019 / 10:29

“Yaxın gələcəkdə sosial medianı əvəz edəcək resurs yoxdur”.

Xeberler.az bildirir ki, bunu “İnternet məkanında sosial şəbəkələri nə əvəz edəcək” sualını cavablandırarkən “Multimedia” İnformasiya Sistemləri Texnologiyaları Mərkəzinin direktoru, Azərbaycan İnternet Formunun prezidenti Osman Gündüz deyib. O hesab edir ki, gələcəkdə sosial şəbəkələrin forması dəyişiləcək:

“Məsələn, dünyada süni intellekt, robotlaşma getdikcə sürətlənir. Hətta Azərbaycanda da bu tətbiq edildi – televiziya verilişinə aparıcılıq robota həvalə olundu. Gələcəkdə güman ki, xəbərlərin istehsalı, hazırlanması ilə bağlı texnologiyalar daha çox inkişaf edəcək, nəinki onun çatdırılma formaları.

İnformasiyanın yayılması ilə bağlı yenilik tətbiq olundu, müsbət qarşılandığına görə artıq aydındır ki, bunu robot həyata keçirə bilir. Növbəti addım kimi isə sosial mediada xəbər istehsalının daha çevik, effektiv qurulması, süni intellektin geniş tətbiqi sürətlənəcək. Bu sahədə daha çox mobilləşmə gedəcəyini düşünürəm. Bütün resurslar daşınan, mobil texnologiyaların üzərinə qalacaq. Düşünürəm ki, media və hökumət qurumları investisiyanı mobilin üzərinə gətirib, daha çevik effektiv texnologiyalardan istifadəyə yönəltsələr, qazanclı olarlar”.

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.