Ekspert Osman Gündüz sosial şəbəkələrin çökməsi barədə danışdı

04-07-2019 / 17:04

Xeberler.az xəbər verir ki, Azərbaycan İnternet Forumunun prezidenti, İKT üzrə ekspert Osman Gündüz “Yeni Sabah”a açıqlamasında bildirib ki, yaranan bu nasazlıq sosial şəbəkələrdə yenilənmə işlərinin aparılması ilə bağlı ola bilər:

“Baş verən problemlə bağlı sosial media resurslarının rəhbərliyi tərəfindən heç bir açıqlama verilməyib, sadəcə, üzrxahlıq edilib. Amma mən düşünürəm ki, məsələ kifayət qədər ciddidir. O qədər ciddidir ki, əvvəlkilərdən fərqli olaraq, uzun müddət çəkib və bütün dünyaya təsir edib. Problem ötən illər bu quruma, qlobal resursa olan təsirlərdən yarana bilər. Bilirsiz ki, qurum rəhbərləri bir sıra ölkələrə hesabatlara dəvət olundu. Dövlətlər onlardan hesabat tələb etdilər ki, sosial şəbəkələrdə nə baş verir? “Facebook”un datalarından yararlanmaqla onun istifadəçilərinin məlumatlarından istifadə edərək manipulyasiya olunur, dövlətlərə, seçkilərə, cəmiyyətlərə təsir edilir. Bundan dolayı hökümətlərin ciddi narahatlığı vardı. Güman ki, rəhbərlik yeniləmə işləri aparır ki, gələcəkdə eyni tipli reaksiyalar olmasın. Yəqin, bu haqda yekun rəsmi açıqlama veriləcək”.

Nasazlıqdan sonra Azərbaycanın öz sosial şəbəkə sisteminin yaradılması ilə bağlı idealar yenidən gündəmə gəlib. O.Gündüz deyir ki, belə bir təşəbbüs üçün milyardlarla manatlıq büdcə formalaşdırılmalıdır:

“Azərbaycanda bu sahədə çox cəhdlər olub, təşəbbüslər irəli sürülüb, amma hamısı uğursuz olub. Onu yaratmaq asandır. Amma istifadəçiləri bura cəlb etmək üçün nə təklif ediləcək? Marketinq üçün milyardlarla pul qoyulmalıdır. Belə resurs varmı? Uzun müddətli marketinq üçün milyonlarla büdcə varsa, əlavə nələrsə təklif olunacaqsa, uğur qazanmaq olar. Amma indiki halda bu dumanlı görünür”.


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.