MÜSAHİBƏ

Xeberler.az bildirir ki, koronavirusla bağlı yaranmış vəziyyət dövlət qurumları qarşısında, hökumət vətəndaş münasibətlərinin qurulmasında yeni tələblər və yeni yanaşmalar formalaşdırıb.

Məsələ ilə bağlı Azərbaycan İnternet Formunun Prezidenti, ekspert Osman Gündüz bir sıra təkliflər irəli sürüb:

"Düşünürəm ki, Nazirlər Kabineti tərəfindən elan olunan xüsusi rejim müddətində, ümumiyyətlə gələcəkdə bu tip fors-major hallardan daha az itki ilə çıxmaq üçün aşağıdakıların reallaşdırılması faydalı olardı:

1. Xüsusi rejim müddətində Mərkəzi icra orqanları rəhbərlərinin vətəndaşlarla görüşü yalnız sosial media üzərindən təşkil olunsun.

2. ASAN konsepsiyasına yenidən baxılsın və daha da inkişaf etdirilsin, ASAN 2.0 prioritet elan olunsun, yəni bütün dövlət xidmətlərinin həm də evdən və ya ofisdən çıxmadan, elektron formada eldə edilməsi üçün kokret müddət müəyyən olunan tədbirlər hazırlansın. Dövlət xidmətlərinin paralel olaraq, sifarişlə evlərə çatdırılmasına xüsusi əhəmiyyət verilsin.

3. Xüsusi rejim müddətində ASAN imza (aylıq gəlir ~ 0.5 milyon manatdır) və elektron imzadan istifadə pulsuz olsun (Hər iksi dövlət layihəsi olduğundan düşünürəm ki, məhdud müddətdə bu cür addım atılması problem yaratmaz)

4. Dövlət resursları hesabına kommersiya qurun bütün qurumlar, NRYTN-in dövlət operatorları, Aztelekom və Baktelecom dövlət provayderləri, Azercell dövlət mobil operatoru xüsusi rejim müddətində pulsuz və ya güzəştli internet xidmətləri təklif etsin.

5. Xüsusi rejim müddətində yalnız elektron formada göstərilə biləcək, populyar, ictimai əhəmiyyət kəsb edən dövlət xidmətlərinin siyahısı hazırlansın

6. Bütün sahələrdə rəqəmsal transformasiya üçün özəl sektora dəstək verilsin, rəqəmsal transfromasiya üçün dövlət sifarişləri artırılsın.

7. Dövlət təhsil müəssisələrində distant təhsil mərkəzlərinin yaradılması üçün resurslar ayrılsın. Tədrsidə distant texnologiyaların tətbiqi və distant təhsil forması əsas alternativ təhsil forması olaraq qəbul edilsin. Tələbə və şagirdlərin xüsusi rejim müddətindəki tədris yönümlü internet xərcləri dövlət təhsil müəssisələri hesabına ödənilsin".