Elektrik Avadanlıqları Zavodu AzTU-da laboratoriya quracaq

19-06-2020 / 08:58

Sumqayıt Texnologiyalar Parkı (STP) MMC-nin Elektrik Avadanlıqları Zavodu Azərbaycan Texniki Universitetində (AzTU) laboratoriya quracaq. Bu barədə AzTU nümayəndə heyətinin Elektrik Avadanlıqları zavodunun direktoru və Həmkərlar İttifaqının sədri Qadir Əliyevlə görüşündə məlumat verilib.

Xeberler.az bildirir ki, görüşdə universitetin “Energetika, elektrotexnika və avtomatika” fakültəsi ilə zavodun gələcək əməkdaşlığının inkişafı müzakirə edilib.

Qadir Əliyev koronavirus (COVID-19) pandemiyasının iqtisadiyyata mənfi təsirlərindən bəhs edib. Ölkəmizdə vətəndaşların sağlamlığının qorunması ilə yanaşı, pandemiyanın iqtisadiyyata təsirlərinin minimuma endirilməsi, o cümlədən postkoronavirus dövründə universitet-sənaye iş birliyinin inkişafı üçün bir sıra tədbirlərin həyata keçirilməsinin vacibliyi qeyd olunub. Bildirilib ki, hazırda müəssisədə tələbələrin yeni ödənişli təcrübə proqramlarına cəlb olunması, ixtisaslı kadr hazırlığı və birgə elmi-tədqiqatların aparılması istiqamətində mexanizmlər hazırlanır.


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə