Elektron ticarət mobilləşir

25-06-2015 / 17:35

Böyük Britaniyada bütün elektron ticarət tranzaksiyalarının təxminən hamısı hazırda mobil qurğular vasitəsilə həyata keçirilir və burada planşetlər populyarlığına görə smartfonları geridə qoyur.

Xəbərlər-in RYTN-nin rəsmi saytına istinadən verdiyi məlumata görə, bu barədə “Criteo” şirkətinin tədqiqatında deyilir. Sorğu zamanı dünyanın 1,4 milyard tranzaksiyasının təhlili aparılıb.

Bu gün Britaniya dünyada mobil qurğular ilə alış-verişin elektron ticarətin ümumi həcmində payına görə ikinci yeri tutur. Üçüncü yeri Cənubi Koreya tutur, Yaponiya isə mütləq liderdir.

Dünyada Android mobil əməliyyat sisteminin mobil qurğular bazarında payının üstünlük təşkil etməsinə baxmayaraq Böyük Britaniya, ABŞ və Yaponiya istifadəçiləri mobil alış-verişdə “iOS” qurğu sahibləri kimi aktiv deyillər. Eyni zamanda mobil qurğulara adaptasiya edilən saytlar 3,4 faiz həcmində konversiya olmasını qeyd edirlər ki, bu da optimallaşdırılmamış saytlardan iki dəfə çoxdur.

Dünyada bütün elektron ticarət tranzaksiyalarının 40 faizinin bir ədəddən çox qurğudan həyata keçirilməsi diqqət çəkir. Alıcılar smartfon, stasionar kompüter və planşetlərdən malların axtarışı və alışı üçün müxtəlif kombinasiyalarda istifadə edirlər.

Xeberler.az 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.