KRİPTO VƏ BLOCKCHAİN

Mərkəzi Bankının İdarə Heyətinin sədri Elman Rüstəmov onlayn mətbuat konfransında çıxışı zamanı rəqəmsal manatın yaradılması və istifadəsi ilə bağlı MB-ın mövqeyini açıqlayarkən qonşu dövlətlərin bu sahədə təcrübələrinin araşdırıldığını deyib.

Elman Rüstəmov: “Sürətlə hərəkət edən qatarın önündə durmaqdansa, ona minmək lazımdır. Hesab edirəm ki, biz bu qatara oturanlardan olacağıq. Amma rəqəmsal valyuta ilə bağlı suallar çoxdur. Məsələn, bu növ valyuta maliyyə sabitliyinə necə təsir edəcək? Həmçinin çirkli pulların yuyulması ilə bağlı vəziyyətin də necə olacağı sual doğurur. Amma dünyada ciddi müzakirələr və eksperimentlər aparılır. Mərkəzi Bank rəqəmsal manatla bağlı araşdırmalar aparır və bu sahədə Türkiyə Mərkəzi Bankı ilə həftəlik müzakirələr gedir. Onların ciddi tədqiqatları var və biz də bu tədqiqatlara qoşulmuşuq. Nəticə haqqında ictimaiyyətə məlumat verəcəyik. Hesab edirəm ki, bu, rəqəmsal iqtisadiyyatın ciddi tərkib hissəsi olacaq.”

Xatırladaq ki, bugün Mərkəzi Bankı uçot dərəcəsini sabit saxlanılması haqda qərar qəbul edib. Bununla da, uçot dərəcəsi 6,25%, faiz dəhlizinin aşağı həddi 5,75%, yuxarı həddi isə 6,75% səviyyəsində qalıb. MB tərəfindən uçot dərəcəsinin 6.25% olması sonuncu dəfə 18.12.2020 tarixində müəyyən edilmişdir. Elman Rüstəmovun açıqlamasına əsasən MB-nin uçot dərəcəsi ilə bağlı son qərarından sonra 0.5%-lik defilyasiya qeydə alınıb.