TEXNOLOGİYA

FİFA və futbolun qaydalarını təyin edən Beynəlxalq Futbol Assosiasiyaları Şurası (İFAB) elektronik məhsuldarlıq (performans) və izləmə sistemləri (EMİS) istehsalçılarından qarşılaşmalarda istifadə edilə bilinəcək  texnologiyalar üçün vahid standartın yaradılması istiqamətində öz məhsullarını təqdim etməyə çağırır.

Xeberler.az-ın məlumatına görə, bu təqdimatlar  noyabrın 16-da FİFA və İFAB iclaslarında baş tutacaq.

Bu ilin əvvəllində təşkil edilmiş iclaslarda İFAB qarşılaşmalarda EMİS-dən istifadəyə icazə verdi. Fevralın 28-də Belfastda keçirilmiş 129-cu İllik Biznes İclasında İFAB bu cihazlardan istifadə üçün iki şərt qoydu. İlkin şərt budur ki, EMİS-in qabaqlayacı tibbi faydaları olması təsbit edilənə qədər real futbol qarşılaşmalarında istifadə edilə bilməz. İkinci şərt isə  geyiləbilən cihazlar meydançadakı heç bir şəxsin həyatı üçün təhlükə yaratmamalıdır.

Buna görə də indiyənədək bu geyimlərdən qarşılaşmalarda istifadə edilməyib.  İstehsalçılar oktyabr ayının sonunadak bununla bağlı  FİFA-ya müraciət edə bilərlər.

FİFA-nın bu addımın digər idman növləri üçün də təsiredici amil olacağı və onların  da gələcəkdə belə addımlar atacağı gözlənilir.

Bir sıra komandalar və idmançılar çoxdandır ki, idmançıların məhsuldarlığına nəzarət etmək və inkişaf etdirmək üçün bu texnologiyadan məşq zamanı istifadə edirdilər və bunlardan qarşılaşmalarda istifadə etmək üçün FİFA-ya müraciət etmişdilər. Vahid standartın qəbul edilməsində İFAB-ın və FİFA-nın əsas məqsədi idmançıların təhlükəsizliyini təmin etmək və haqsız rəqabətin qarşısını almaqdır. Həmçinin bu qurumların gələcəkdə bu sahə üzrə müxtəlif qərarlar qəbul etməsi və islahatlar aparması da gözlənilir.

Murad Məmmədzadə