Dünya bazarına “Bluetooth 4”-ü dəstəkləyən ilk simsiz qurğular təqdim ediləcək

09-07-2010 / 05:52

“Bluetooth SIG” təşkilatı “Bluetooth 4.0” simsiz standartın spesifikasiyasını təsdiqləyib.

“Bluetooth»un yeni versiyası elektrik enerjisinin daha az sərfinə yönəldilib.

Beləliklə, artıq “Bluetooth” modullu qurğu istehsalçıları testləşdirmə və sertifikasiya üçün onun tələblərinə uyğunluğunu yoxlamaq məqsədilə hazırlanmış yeni standart əsasında qurulmuş həllərini təqdim edə bilərlər. Məhz bundan sonra “Bluetooth 4” qurğuları bazara çıxarıla bilər.

Yeni standart öncə simsiz qoşulma modulu ilə təchiz edilməyən yeni növ elektronikada tətbiq edilə bilər. “Bluetooth SIG” standartın tibb texnikasında, idman inventarında və təhlükəsizliyi təmin edən qurğularda istifadəsində perspektiv olduğunu hesab edir.

”Bluetooth 4” spesifikasiyası 2009-cu ilin dekabrında təqdim edilib. Bildirilir ki, standartın yeni versiyası simsiz rabitənin əhatəsini genişləndirəcək, bütün rejimlərdə enerji sərfini azaldacaq, həmçinin az ölçülü batareya ilə bir neçə il ərzində işləyəcək qurğular yaratmağa imkan verəcək.

”Bluetooth 4”ü dəstəkləyən ilk qurğuların bu ilin sonuna kimi bazara çıxarılacağı gözlənilir.

mənbə: APA


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.