Gartner 2009-cu ilin əsas texnologiyasını müəyyənləşdirdi

28-10-2008 / 13:37

Gartner şirkətinin tədqiqatçıları 10 strateji texnologiya siyahısında birinci pilləyə virtuallaşdırma texnologiyasını layiq biliblər. Qeyd etmək lazımdır ki, burada nəinki server, həmçinin saxlanılma sistemlərinin və müştəri qurğularının virtuallaşdırılması texnologiyası da nəzərdə tutulur.
Xatırladaq ki, bu texnologiyanın əhəmiyyətini, ekspertlər, hələ yayda, onu 5-illiyin (2008-2012-ci illər) 10 ən əsas texnologiyalar siyahısının ikinci pilləsində yerləşdirmişdilər.       
Gartner analitiləri inanırlar ki, virtuallaşdırma texnologiyası informasiya saxlanılması və daşınması qurğularının qiymətlərini xeyli aşağı sala bilər. Bundan əlavə, yaxın gələcəkdə həmin texnologiya korporativ personal kompüterlərə də öz təsirini göstərməlidir. Gartner-in proqnozlarına əsasən, 2010-cu ilədək “virtual” stolüstü kompüterlərdən müəyyən auditoriyanın yalnız 40 faizi istifadə edəcək.
Yaxın 3 il ərzində öz seqmentində dəyişikliklər edə biləcək ilin digər texnologiyaları arasında “buludlu hesablamalar” (sifarişçiyə məsafədən hesablama qurğularının, iri disk həcmlərini və rabitə kanallarının təqdim olunmasını nəzərdə tutan konsepsiyası), veb-istiqamətləndirilmiş arxitektura, müxtəlif korporativ əlavələr, sosial şəbəkələr, birləşdirilmiş kommunikasiyalar, biznes-analitika və ekoloji baxımdan təmiz informasiya texnologiyaları da yer alıblar.
Proqram təminatı üzrə dünya bazarı böyüyür: İDC-nin qiymətləndirməsinə görə, cari ilin ikinci rübündə bu sektorda satılmış lisenziyaların miqdarı 2007-ci ilin göstəriciləri ilə müqayisədə 53% artıb. Analitiklər virtuallaşdırma ilə məşğul olan işçilərə daha yeni seqmentlərə – ilk növbədə orta biznesə istiqamətlənməyi məsləhət görürlər.

 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə