RƏQƏMSAL DÜNYA

Hindistan öz əməliyyat sistemini işləyib hazırlayacaq. Ölkənin Müdafiə Nazirliyində çalışan alimlərin sözləriə görə, bu layihə, ilk növbədə, kiberhücumlar və informasiya oğurluğuna qarşı mübarizə aparmaq məqsədilə həyata keçiriləcək. Nazirin elmi müşaviri bildirib ki, layihə üçün artıq 2 mərkəz ayrılmışdır. Onlardan biri Dehlidə yerləşir.

Layihəyə Kim Rəhbərlik Edəcək?

Xeberler.az Texnomedia.com saytına istinadən xəbər verir ki, layihəyə rəhbərlik Müdafiə Araşdırmaları və İnkişafı üzrə Təşkilata həvalə ediləcək. Əməliyyat sistemini işləyib hazırlamaqda isə bu quruma Hindistanın iri şəhərlərində yerləşən çoxsaylı şirkətlər və elmi institutlar yardım edəcək.

Layihəyə 50 Peşəkar Proqramçı Qatılacaq

DRDO rəhbəri bildirib ki, əksər ölkələr kimi, Hindistan da indi Qərb istehsalı olan əməliyyat sistemindən istifadə edir. Müdafiə kompleksi və eləcə də, bir sıra bank əməliyyatlarının etibarlılığını artırmaq məqsədilə hökümət şəxsi sistemi işləyib hazırlamağa qərar vermişdir.

Qeyd edək ki, tamamilə yeni, ilkin (mənbə) kodu yalnız bir qrup mütəxəssisə məlum olacaq əməliyyat sisteminin yaradılması planlaşdırılır. Verilən məlumata görə, ilkin olaraq layihə üzərində 50 peşəkar proqramçı çalışacaq.

Bu Layihə Millilikdən Çıxa Bilər

Xatırladaq ki, hind hökumətinin bundan əvvəlki 35 dollarlıq planşet təşəbbüsü o qədər də milli səciyyə daşımırdı. Sonda məlum oldu ki, qurğu Çin planşetinin eynən bənzəridir. Belə bir halın hind əməliyyat sistemi ilə də təkrarlana biləcəyi istisna deyil. Belə ki, Hindistan bu layihədə də analoji addım ataraq sistemi eynən Linux-un ilkin (mənbə) kodu əsasında işləyib hazırlayacaq.