RƏQƏMSAL DÜNYA

Azərbaycanda İnformasiya Texnologiyaları sahəsində yeni sayt istifadəçilərə təqdim olunub.

Xeberler.az-ın məlumatına görə, yeni yaradılan Cyberforum.az saytının əsas məqsədi informasiya texnologiyaları sahəsindəki problemləri gənc nəsil arasında geniş müzakirə mövzusuna çevirmək və problemlərin həllini tapmaqdır.

Layihə müəlliflərinin sözlərinə görə, sayt istifadəçilərə hər növ xidmət təklif edir:

“Hazırda Azərbaycanda kompüter mühəndisliyi sənayesi günü- gündən artır. Son dövrdə Azərbaycanda informasiya texnologiyalarının kütləviləşməsinin inkişafı üçün nəzərə çarpacaq adddımlar atılıb, dövlətin ciddi dəstək və qayğısı nəticəsində uğurlar əldə olunub. Bizim forum cəmiyyətin informasiyalaşdırılmasına, ölkə iqtisadiyyatının bütün sahələrində səmərəliliyinin artırılmasına, elektron ticarət sistemin tədbiqinə, məhsul və xidmətlərin keyfiyyətinin yüksəldilməsinə xidmət göstərəcək. Saytımıza daxil olduqdan sonra sizə hər növ xidmət təklif olunacaq. Hər bir xidmətdən istifadə etmək istəyiniz olsa, bizim saytımızın qeydiyyatından və yaxud texniki dəstək şöbəsindən məsləhət ala bilərsiniz. Əgər siz rəy bildirmək və təkliflər göndərmək istəyirsinizsə, qeydiyyat düyməsinə basıb aşağıdakı formanı doldurub bizim saytımızın daimi üzvü ola bilərsiniz”.

Qeyd edək ki, CyberForum informasiya texnologiyaları sahəsində yeganə Azərbaycan dilində forum olaraq fəaliyyət göstərir.

Xeberler.az