Dünyanın müxtəlif dövlətlərinin hüquq-mühafizə orqanları, eləcə də İnterpol və Avropol kimi təşkilatlar kibercinayətlərin sürətlə artmasından narahatdır.
Xəbərlər “Payspacemagazine”-ə istinadən məlumat verir ki, bu barədə Londonun polis komissarı Adrian Leppard “TechUK” təşkilatının növbəti tədbiri zamanı çıxışında bildirib.
O hesab edir ki, internetdə fırıldaqçılığın həcmi artıq dünyada narkotik alverindən əldə olunan gəlirləri üstələyir. Bundan əlavə, polis internet şəbəkəsində cinayətkarlığın qarşısını almaq üçün lazımi resurslara malik deyil. Polis komissarı vurğulayıb ki, kibercinayət hallarının 80 faizi barədə polisə məlumat verilmir, qalan 20 faizin isə yalnız beşdə bir hissəsinin üstü açılır.
“LogRhythm” təhlükəsizlik provayder şirkətinin nümayəndəsi komissarın fikri ilə razılaşaraq qeyd edib ki, kibercinayətkarlarla təkcə hakimiyyət deyil, həm də internet mexanizmlərindən daha yaxşı xəbərdar olan texnoloji şirkətlər mübarizə aparmalıdır.
Kibercinayətkarlar şəbəkə mühafizə sistemlərinə asanlıqla müdaxilə edə bilərlər. Bu səbəbdən kibercinayətlərin qarşısını tam almaq qeyri-mümkündür. Belə olan halda cinayətkarı aşkar etmək daha vacibdir, onların axtarışı üçün əsas şərt isə vaxtında reaksiya verməkdir.
Xeberler.az
Televiziyaların reytinqini kim ölçür, necə ölçür və nəticələr ağlabatan olacaqmı?
Nazirlik inkubasiya mərkəzlərini niyə topladı? –Şərh
Windows 10-u necə sürətləndirmək olar?
Bizi idarə edən güc: Netokratiya
Tor: şəbəkənin nəzarətindən azad olmaq imkanı
Facebook müəmması
4G mobil texnologiyası niyə ləngiyir?
Rəqəmli yayım: mərkəzdən kənarda yaşayanlar nə etsin?
“Asan imzanı belə gördüm”- Azər Həsrət
Satışa çıxarılmış Azərbaycan adları