TƏDBİRLƏR

Məktəblilər arasında Google SketchUp qrafik redaktorunda ən yaxşı üçölçülü model hazırlamaq üzrə müsabiqə keçirilib.

 Təhsil Nazirliyindən Xəbərlər-ə verillən məlumata görə, builki müsabiqə əvvəlki illərdən bir neçə mühüm cəhətlərinə görə fərqlənib.  Müsabiqə ümumrespublika səviyyəsində keçirilib. Müsabiqədə respublikamızın müxtəlif bölgələrindən 168 şagird iştirak ediib.  Digər mühüm bir yenilik isə iştirakçıların onlayn qeydiyyatdan keçiblər. Hər bir məktəbdən bir şagird olmaqla məktəb informatika müəllimləri informatik.az saytında və Facebook sosial şəbəkəsinin "İnformatika müəllimləri" qrupunda verilmiş xüsusi formanı doldurmaqla iştirak edəcək şagirdləri qeydiyyata salıblar.

Müsabiqənin yerlərdə keçirilməsini təmin etmək məqsədilə bölgələrdə müvafiq mərkəzlər yaradılıb.  Ətraf rayon məktəblərinin şagirdləri bu mərkəzlərə toplaşmışdılar. Mərkəz olaraq Bakı, Gəncə, Göyçay, Qax, Salyan, İsmayıllı, Şamaxı, Göygöl, Mingəçevir, Şirvan, Balakən, Ağcabədi şəhərləri seçilib.

Şərtlərə görə hər bir mərkəz rəhbəri müsabiqədən ən geci yarım saat əvvəl Bakı şəhərindəki mərkəzlə Skype bağlantı yaradıb, Ramin Mahmudzadənin rəhbərlik etdiyi münsiflər heyətinə iştirakçıların sayı, texniki təchizat və digər məsələlərlə bağlı məlumat veriblər.

Şagirdlərə veriləcək tapşırıq müsabiqə günü bir neçə variant arasından püşkatma ilə müəyyən olunub. Münsiflər heyətinin və Təhsil Nazirliyinin məsul şəxslərinin də iştirak etdikləri püşkatma nəticəsində üçölçülü modeli hazırlanacaq obyekt olaraq Azərbaycan Respublikası Ali Məhkəməsinin binası müəyyən olunub. Şagirdlər 1,5 saat ərzində bu obyektin modelini hazırlamalı idilər. Bakı və bölgələrdə müsabiqəyə eyni vaxtda - 10.40-da start verilib.

Bakı şəhəri üzrə mərkəz 283 nömrəli tam orta məktəbdə yerləşib. Bura Bakı, Sumqayıt, Xızı şəhərləri, eləcə də Qubadlı, Abşeron rayonlarından 53 şagird iştirak ediib.

 Münsiflər heyətinin böyük sevincinə səbəb olan faktlardan biri də o olub ki, müasir tətbiqi proqramlardan hesab edilən Google SketchUp proqramında respublikamızın bölgələrindən olan şagirdlərin iş səviyyələri heç də şəhər məktəblərində təhsil alan şagirdlərin səviyyəsindən geri qalmırdı. Bu isə informatika fənninin bütün respublikada tədrisinin keyfiyyətinin ilbəil artdığını sübut edib.

Müsabiqədə iştirak edən  163 iş münsiflər heyətinin hər bir üzvü tərəfindən ayrıca qiymətləndirilib.  Sonda reytinq cədvəli qurularaq nəticələr müqayisə və təhlil olunaraq qaliblər müəyyən edilib. Hər bir iştirakçının işinə diqqətlə baxılması vaxt tələb etdiyindən qərara alınıb  ki, müsabiqənin nəticələri 15 gün ərzində elan edilib. Qalibləri təqdim edirik :

 Xəbərlər.az