“Elektron Təhsil” müsabiqəsinin yekunları müzakirə olunub

21-12-2015 / 16:25

Bu gün “Elektron Təhsil” müsabiqəsinin Təşkilat Komitəsinin iclası keçirilib.

Xeberler.az-ın məlumatına görə, görüşdə müsabiqənin nəticələri  ilə bağlı müzakirələr olub.

Tədbirdə müsabiqənin qaydalarına uyğun olaraq müsabiqəyə təqdim edilən resursların qeydiyyatı barədə məlumat verilib.

"Elektron Təhsil"  müsabiqəsində yüksək bal toplamış iştirakçıların təqdimatı və qaliblərin seçilməsi, müsabiqənin fərqlənən işlərinin müzakirə olunması, "Müsabiqəyə ən çox iş göndərən məktəb" əlavə nominasiyasının qaliblərinin təsdiq olunması kimi məsələlər də müzakirə olunub. 

Qeyd edilib ki,  müsabiqə "Müəllim" və "Şagird" istiqamətləri üzrə keçirilir.

Məlumat verilib ki, müsabiqəyə həm onlayn ,həm də oflayn təhsil resursları təqdim olunub.

Bu müsabiqə çərçivəsində "ALPLogo" proqramlaşdırma mühitində hazırlanan elektron resurslar da yarışmaya qəbul edilib.

Onu da bildirək ki, müsabiqə 4 mərhələdə keçirilib. 

Müsabiqənin qalibləri yekun təqdimat mərasimində açıqlanacaq və qaliblərin adları Təhsil Nazirliyinin və müsabiqənin rəsmi saytında yerləşdirilib.

Müsabiqənin keçirilməsində məqsəd tədris prosesində informasiya texnologiyalarından fəal istifadə edən müəllimlərin fəaliyyətini dəstəkləmək, ən yaxşı elektron tədris vəsaitlərini geniş istifadəçi auditoriyasına tanıtmaq, internetin imkanlarından istifadə etməklə həyata keçirilən yeni tədris üsulları barədə ölkənin təhsil ictimaiyyətini məlumatlandırmaq, tədrisdə İKT-nin tətbiqinin yeni formalarını axtarmaq, təhsil müəssisələrində elektron resurslardan istifadəni genişləndirmək, müəllim və şagirdləri elektron resurslar yaratmağa və hazır resurslardan istifadəyə stimullaşdırmaqdan ibarətdir.

 Müəllim və şagird istiqamətləri üzrə 6 nominasiyada təşkil olunan müsabiqəyə ümumi təhsil müəssisələrinin pedaqoji heyəti, pedaqoji kadrların ixtisasartırması və yenidənhazırlanması ilə məşğul olan qurumların  metodist mütəxəssisləri və məktəblilər qatılıblar.

Müsabiqə Dr.Web, AzEduNet, Ultra, Təhsildə İnnovativ Texnologiyalar Əlavə Təhsil Mərkəzi, Edumedia Azərbaycan və Nar Mobile tərəfindən dəstəklənir.

 

 Xeberler.az


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.