MilliNet-də rəqabətin kəskin olduğu nominasiyalar- Siyahı

06-12-2016 / 17:45

Məlumat verdiyimiz kimi, hazırda Milli İnternet Mükafatı müsabiqəsində saytların səsverməsi davam edir.

Təşkilat Komitəsindən Xeberler.az-a verilən məlumata görə, bu il müsabiqəyə 11 nominasiya üzrə 303 sayt təqdim edilib.

Qeyd edilib ki, hələlik müsabiqəyə 238 sayt qəbul edilib . 64 sayt MilliNet qaydalarına cavab vermədiyindən müsabiqəyə buraxılmayıb.

Məlum olduğu kimi saytların müsabiqəyə buraxılması ilə ilkin olaraq MilliNet moderatorları məşğul olur. Qaydalara uyğun olan saytlar qəbul olunmaq üçün MilliNet TK-ya yönləndirilir.

Bu il rəqabətin daha kəskin olduğu nominasiyalar “Media və İnformasiya”“Xidmət (Servis) - eTicarət “ və  “Ən yaxşı sosial şəbəkə səhifəsi”dir.

Təşkilat Komitəsindən verilən məlumata görə, hazırda münsiflər heyəti müsabiqə üzrə təqdim edilmiş layihələrin 1-ci mərhələ qiymətləndirilməsini həyata keçirir.

Yuxarda qeyd etdiyimiz kimi, bu il  bir neçə nominasiya üzrə daha çox layihə müraciət edib. Hazırda onlara arasında ciddi rəqabət var.

Həmin nominasiyalar üzrə rəqabətin kəskin olduğu saytları təqdim edirik:

“Xidmət (Servis) - eTicarət” nominasiyasına 34 sayt qeydiyyatdan keçib:

Boost.az

Satal.az

Alan.az

Emlak.al

Compland.az

Prospect.az

Asanpay.az

Careerify.me

Ourhost.az

E-Emlak.az

Davamı burada.

 

"Media və İnformasiya " nominasiya üzrə 35 sayt müraciət edib:


ASAN Radio

Texnologiya.az

Aznews.info

Surf.az

MyBaku Online Journal

Valyuta Ticarəti

Texno.biz

Worldmedia.az

Puplic.az

Davamı burada.

 “Ən yaxşı sosial şəbəkə səhifəsi”  nominasiyası üzrə:

MyExcelWorld

Aznews.info

Avtostop layihəsi

 Xaricdə Təhsil Xəbərləri

AZnet SMM Trends

Azərbaycan milli kitabxanası

Azərbaycan Respublikasi Ailə, Qadın və Uşaq Problemləri üzrə Dövlət Komitəsi

The national history museum of azerbaijan / milli azərbaycan tarixi muzeyi

Davamı burada.

Məlum olduğu kimi Millinet-ə təqdim edilən saytlar 3 istiqamət ( informasiya-kontent, dizayn və texniki-texnoloji istiqamətlər) üzrə formalaşdırılan, peşəkarlardan ibarət münsiflər tərəfindən qiymətləndirilir.

Qiymətləndirmə ilə bağlı meyarlar təsdiqlənib və millinet.az saytında yerləşdirilib.

Münsiflər isə Azərbaycan İnternet Forumu tərəfindən müəyyən olunur.  

Münsiflərə qarşı yalnız iki tələb irəli sürülür : öz sahəsində peşəkarlıq və ona hər hansı aidiyyatı olan saytın müsabiqəyə qatılmaması.

MilliNet qaydalarına görə sayt müsabiqəyə qəbul ediləndən sonra münsiflərin seçimi həlledicidir. Təşkilat Komitəsi qiymətləndirmə prosesinə müdaxilə etmir. Münsiflərə qarşı tələbkarlığın artırılması məqsədilə son illər MilliNet qaydalarına dəyişiklik də edilib.

Belə ki 2-ci mərhələ qiymətləndirmədə münsif sayta verdiyi hər hansı qiymətin əsaslandırılması məqsədilə şərh yazmalıdır. Bu qiymətlər və rəylər MilliNet-in yekun təqdimatından dərhal sonra sayt sahibləri üçün açıq olur.

Onu da qeyd edək ki, MilliNet-də qalib gələn layihələr, növbəti 3 il ərzində müsabiqəyə müraciət edə bilməz. 

Bu il Münsiflər Komissiyasının tərkibi aşağdakılardan ibarətdir:

Kontent İstiqamət

Aynur Vəliyeva

Azər Həsrət

Ellada Mustafayeva

Fidan Hüseynzadə

Könül Niftəliyeva

Dizayn İstiqamət

Ruslan Nəsirov

Kynaz Yaqublu

Toğrul Babayev

Aman Əlili

Azər Nəcəfov

Texniki-texnoloji istiqamət

Elşad Yusifli

Alişan Mirəzadə

Adil Əliyev

Eldar Zeynallı

Hüseyn Hüseynzadə

MilliNet Nominasiyalarından biri də Mobil tətbiqlərdir. MilliNet Təşkilat Komitəsindən əldə etdiyimiz məlumata görə, Mobil tətbiqlər nominasiyasını tam fərqli münsiflər, öz sahəsi üzrə tanınan ekspertlər 10 ballıq sistemlə qiymətləndirir. Ekspertlər də AİF tərəfindən müəyyən olunur.
Həmçinin də ekspertlərə aidiyyatı olan mobil tətbiqlər müsabiqədə iştirak etmir.

Bu il mobil tətbiqləri aşağıdakı münsiflər qiymətləndirəcək :

Vasif Mustafayev

Vüsal İsayev

Rüfət Babakişiyev

Elşad Yarmətov

Tural Əliyev

MilliNet Təşkilat Komitəsi, Münsiflər, Mobil tətbiq münsifləri və Moderatorlar haqqında daha geniş məlumatı buradan əldə etmək olar.

Qeyd etdiyimiz kimi hazırda MilliNet-də 1-ci mərhələ səsvermə davam edir. Təşkilat Komitəsi bildirir ki, qeydiyyat müddəti bitsə də, bu müddət ərzində saytlarını təqdim edənlər, lakin müxtəlif problemlər səbəbindən MilliNet TK tərəfindən müsabiqəyə buraxılmayanlar 1-ci səsvermə müddəti bitənədək yenidən müraciət hüququnu özlərində saxlayırlar.

Belə ki, bu kimi problemlə qarşılaşan saytlar üçün son qəbul tarixi dekabrın 7-nə qədərdir.

Hazırda qeydiyyatdan keçən istifadəçilər yalnız müsabiqəyə qəbul edilən saytlara öz şərhlərini və rəylərini yaza bilərlər.

MilliNet TK bildirir ki, müsabiqə qaydalarına uyğun olaraq səsvermə 2 mərhələdə həyata keçirilir.

1-ci mərhələ səsvermə prosesi 7 dekabr tarixdə saat 00.00-da  başa çatacaq. 1-ci mərhələ səsvermənin nəticələrinə əsasən hər bir nominasiya üzrə nominantlar müəyyən olunacaq.

Bu nominantlar içərisindən 2-ci mərhələ səsvermə nəticəsində qalib saytlar seçiləcək. 2-ci səsvermə  isə  deakbrın 18-də başa  çatacaq.

Qeyd edək ki, münsiflərin verdikləri qiymətlər yalnız təqdimat mərasimindən sonra açıqlanacaq.

Milli İnternet Mükafatının ənənəvi yekun təqdimat mərasiminin dekabr ayının sonunda keçirilməsi nəzərdə tutulub.

Milli İnternet Mükafatına Rabitə və Yüksək Texnologiyalar Nazirliyi, Delta Telecom, Lenovo və Bestcomp şirkətləri dəstək verir.

 

Məltəm Talıbzadə


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.