“NASA” Marsa uçuş vaxtını iki dəfə azaldacaq

08-06-2015 / 10:58

ABŞ Milli Aviasiya və Kosmik Tədqiqatlar Agentliyi (NASA) yaxın vaxtlarda Marsa uçuş vaxtının iki dəfə azaldılmasına yönələn proqram hazırlamağı planlaşdırır. 

Xeberler.az RYTN-nin rəsmi saytına istinadən məlumat verir ki, mütəxəssislərin fikrincə, bu, Qırmızı planeti fəth etmək üçün tələb olunan vaxtı xeyli sürətləndirəcək. Kosmik agentliyin mühəndisləri bu məqsədə prinsipcə yeni mühərriklərin hazırlanması sayəsində nail olmaq niyyətindədirlər.

Hazırda mühərriklərin layihələndirilməsi ilkin mərhələdədir. Bundan başqa, “NASA” yeni nəsil kosmik mühərriklərin yığılması ilə məşğul olacaq şirkətlə saziş imzalayıb. Bu, ABŞ astronavtlarının Marsa çatması vaxtını əhəmiyyətli dərəcədə qısaldacaq.

Bildirilir ki, kosmik gəminin mühərriki əvvəllər istifadə edilməyən yeni konstruksiyaya malik olacaq. Bu gün ilkin hesablamalara görə, Mars planetinə uçuş vaxtı müxtəlif optimistik proqnozlara əsasən təxminən 8 ay təşkil edir. Yeni nəsil mühərrikin hazırlanacağı təqdirdə Marsa uçuş vaxtı iki dəfə - 4 ayadək azalacaq.

Xeberler.az

 


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.