İKT TƏHSİL

2023-cü ilin sentyabr ayından etibarən “PAŞA Holding”in sponsorluğu və İnnovasiya və Rəqəmsal İnkişaf Agentliyinin təşəbbüsü ilə Azerbaycana cəlb olunan dünyanın nüfuzlu məktəblər şəbəkəsi olan “Holberton School Azərbaijan” məktəbinin 4 iyul 2024-cü il tarixində ilk Məzun Günü keçirilib.

9 aylıq tədris zamanı, tələbələr üçün 11 "HolberTalks" seminarları, 15 demo intervyu, 10 şəxsi inkişaf treninq, 5 karyera günləri və limitsiz mentor dəstəyi təşkil olunub. Bundan əlavə, sözügedən məktəbi bitirmiş işlə təmin olunmuş tələbələrin sayı 12 təşkil edib.

Ümumilikdə, 22 ölkədə, 34 şəhərdə və ötən il Bakıda fəaliyətə başlayan "Holberton School" Məktəblər Şəbəkəsi Silikon Vadisində yüksək keyfiyyətli texnoloji proqramlarla, innovativ və praktiki metodologiya əsasında İKT sahəsində tədris verir. Qeyd edək ki, “Holberton School Azerbaijan”, tələbələrinə texniki və yumşaq bacarıqlar verməklə, onları iş dünyasında uğurlu olmağa hazırlayır.

Xatırladaq ki, innovasiyaların təşviqi, eləcə də ölkədə innovasiya ekosisteminə dəstəyin göstərilməsi PAŞA Holding-in önəm verdiyi istiqamətlərdəndir. Bu məqsədlə holdinq tərəfindən INMerge İnnovasiya Sammiti və PAŞA Hakaton təşkil edilir, yerli inkubasiya və akselerasiya mərkəzlərinə dəstək göstərilir. Qeyd edək ki, ölkədə ilk vençur kapital fondu və kibertəhlükəsizlik məktəbi də "PAŞA Holding"in dəstəyi ilə fəaliyyətə başlayıb.