TEXNOLOGİYA

Məlumat verdiyimiz kimi, Bakıda keçirilən Formula 1 yarışları çərçivəsində turistlərin və elə yerli sakinlərin də işini asanlaşdırmaq məqsədi olan RobiGuide - elektron bələdçisi istifadəyə verilib.

Qeyd edək ki, layihənin tizer xarakterli təqdimat çarxı təqdim edildi.

RobiGuide layihəsinin rəhbəri Namət Məmmədzadə Xeberler.az-a bildirib ki, əhali son zamanlar Android, iOS, Windows Phone platformaları üstünlük verir.

Onun sözlərinə görə, gün ərzində minlərlə insan müxtəlif tətbiq yükləyir və Azərbaycanda internetin geniş inkişafı, informasiya texnologiyaların tədbiqi, evlərdə və ofislərdə kompüter və mobil avadanlıqdan geniş istifadə olunması elektron xidmətlər üçün yeni imkanla yaradır:

“İşlərin və xidmətlərin internet vasitəsi ilə sifariş olunması və görülməsi imkanı genişlənir. 2014 –cü ilin mayından RobiGuide adlı personaj yarnıb. Bu personaj müxtəlif sosial şəbəkələrdə (Facebook, İnstagram, Twitter və s.) istifadəçilər tərəfindən böyük marağa səbəb olub.Nəzərinizə çatdıraq ki, layihənin Facebook.com saytında 1887 istifadəçi, İnstagram-da isə 2822 izləyicisi var. RobiGuide-un aktuallığını görərək biz yeni bir layihə qurmağa qərar verdik”.

Namət Məmmədzadə layihə barədə də ətraflı məlumat verib:

“ Layihə çərçivəsində biz ilk öncə Bakını və daha sonra ümumilikdə bütün Azəbaycanı tanıtmaq, xaricdən gələnləri və yerli əhalini Azərbaycanın müxtəlif tarixi abidələri , müasir tikililəri  tanış etmək niyyətindəyik. Son iki ildə beynəlxalq  yarışları keçirildi. Bu o deməkdir ki, Azərbaycana çoxlu sayda turist axını oldu və yenidən olacaq. Bu turist axınını ələ alıb onlara düzgün şəkildə köməklik göstərmək niyyətindəyik. Azərbaycanla yanaşı layihənin icrası gələcəkdə xarici ölkələrdə də planlaşdırılıb”.

Layihə rəhbətri deyib ki, RobiGuide yeni bir personajdır və Azərbaycan bazarında rəqibi yoxdur:

“Layihəmizin innovativliyi ondadır ki, ölkəyə gələn turistlərin artıq turizm agentliklərinə müraciət etmələrimə ehtiyac qalmır, bələdçiyə pul ödəməyə ehtiyac yoxdur.Turist (və yerli əhali) bizim tətbiqləri mobil telefonlarına yükləyir və bu elektron xəritə ilə bütün şəhəri sasnlıqla özü üçün kəşf edir. RobiGuide ilk öncə Bakı, daha sonra Azərbaycan və daha sonra inkişaf etdikcə müxtəlif ölkə və şəhərlərdəki abidələri, binaları, restoranları, əyləncə mərkəzlərini, ofisləri və s. daha dəqiq tapa və həmən obyekt barəsində ətrafli səkildə səsli və yazılı şəkildə RobiGuide -nin izahı ilə məlumat verəcək. Məlumatlar istifadəçinin istəyindən aslı olaraq əvvəldən secilərək Azərbaycan, rus və ingilis dillərində və istifadə qaydasından aslı olaraq səsli və yazı formasında istifadəciyə təqdim olunacaq. Günün əyləncə saatlarında ətrafınızda olan əyləncə obyektləri, yemək vaxtlarında isə restoranlar, hansı menyunun olması, qiymətləri barədə məlumatlar alacaqsınız”.

O, layihənin inkişaf perespektivlərinə də toxunub:

“Layihə çərçivəsində həyata keçirilən tədbirlər arasında proqram təminatının və xüsusi modulların hazırlanması nəzərdə tutulub. 2016-2017-ci illərdə layihənin regionlarda genişlənməsinə başlanacaq və bu istiqamətdə müxtəlif tədbirlər həyata keçiriləcək. Əsasən məqsədlərimiz regional nümayəndəliklərinin yaradəlması, regionlarda fəaliyyət göstərən biznes subyektlərinin (şirkətlərin, startapların və sahibkarların) bu prosesdə iştirakını genişləndirməkdir.

Onun sözlərinə görə, Azərbaycanın əsas görməli yerləri avtomatik şəklində RobiGuide-in siyahısında olacaq:

“Reklam modelində müştərinin qarşısına üç növ tarif təqdim olunacaq : 3 aylıq, 6 aylıq ,1 illik. Burada RobiGuide-n əlavə “görməli yerlər” siyahısına daxil olmaq istəyən obyekt (kafe, restoran və digər) sahibləri ilə bu tip müqavilə bağlanılacaq. Xidmət modeli 3 növ paketdən ibarətdir : 1) Free – pulsuz paket ; 2) Premium ( temporary ) – qısa müddətlik ( bir neçə günlük ) gələn turistlər üçün nəzərə alınıb ; 3) Premium ( Advanced) - bir aydan çox müddət qalacaq turistlər üçün nəzərdə tutulub.

Namət Məmmədzadə layihənin istifadəçi auditoriyası, hədəf kütləsi, potensial müştəriləriniz barədə məlumat verib:

“Bizim əsas müştərilərimiz xaricdən gələn 15-74 yaş arasında olan turistlər və 18-50 yaş arasında olan yerli əhalidir.  Azərbaycanda 2003-2013-cü illər ərzində əsas turizm göstəriciləri ən azı 3-5 dəfə artıb. Bu faktlar bir daha belə bir layihənin aktuallığını subut edir və onun nə dərəcədə gəlir gətirəcəyini prognozlaşdırmağa kömək edir”.

Proqramı buradan yükləyə bilərsiniz.

Məltəm Talıbzadə