“World Summit Award 2015” də yarışacaq layihələrimiz - İcmal

24-08-2015 15:13

Xəbər verdiyimiz kimi , “World Summit Award 2015" müsabiqəsinin final mərhələsində iştirak edəcək müxtəlif nominasiyalı layihələrimizin adları açıqlanıb. Belə ki, Azərbaycandan 6 layihə müsabiqənin finalında yarışacaq.

Xeberler.az müsabiqədə seçilən layihələrin qısa icmalını təqdim edir:

RobiGuide layihəsi "World Summit Award 2015" müsabiqəsində Culture & Tourism ( Mədəniyyət və Turizm) kateqoriyası üzrə finala çıxıb.

RobiGuide layihənin əsas məqsədi Azərbaycanda və daha sonra inkişaf etdikcə müxtəlif ölkələrdəki, şəhərlərdəki abidələri, binaları, restoranları, əyləncə mərkəzlərini, ofislərini daha dəqiq tapmaq və həmin obyekt barəsində səsli, yazılı şəkildə məlumat verməkdir.

Layihənin rəhbəri Namət Məmmədzadədir. Layihə “Startap Azərbaycan 2015”-də “E-gov mobil tətbiqlər” nominasiyasının qalibi olub.

Etap.az layihəsi "World Summit Award 2015"-də Media & News( Media) kateqoriyası üzrə finala çıxıb.

Etap.az layihəsinin əsas məqsədi internet imkanlarından istifadə edərək asanlıqla itirilmiş əşya haqqında elan yayımlamaq, itirilmiş və ya tapılmış əşyanın sahibinə qaytarılması ilə bağlı yüksək xidmət təmin etmək və cəmiyyətdə sosial fayda vərdişləri yaratmaqdır. Etap.az xidmətlərini tamamilə pulsuz təqdim edir. Əsas gəlir mənbəyi kimi saytda reklam imkanları yaradılacaq. Etap.az istifadə sadəliyi, istifadəçiyə rahat dizaynı, təkmilləşdirilmiş axtarış sistemi və bütün cihazlara uyğunlaşması ilə seçiləcək.

Layihənin həmtəsisçisi Bəhruz İbrahimovdur.

Notify Baku layihəsi müsabiqədə Entertainment & Lifestyle ( Əyləncə) kateqoriyası üzrə finala çıxıb.

Notify Baku layihəsinin əsas məqsədi brendlər və bizə lazım olan digər şirkətlər haqqında yeniliklər, endirimlər, kampaniyalar və digər məlumatları bir yerdə cəmləməkdir. NOTIFY-BAKU mobil tətbiqini telefonunuza quraşdıraraq bu məlumatları bildiriş formasında ala bilirsiniz. Həmçinin siz bütün şirkətlərin (brendlərin) xəritə üzərində yerlərini, telefon, email, internet saytı, Facebook səhifəsi kimi məlumatlarını əldə edə bilir, hətta hansı marşrutla hərəkət etsəniz oraya daha tez və rahat çata biləcəyinizi görə bilirsiniz.

Layihənin rəhbəri Sabir Hacıyevdir.

NoObs komandası Spinal layihəsi ilə Health & Environment( Sağlamlıq və ətraf mühit) kateqoriyası üzrə finala çıxıb.

Spinal layihəsinin əsas məqsədi insan onurğa sütununa mənfi təsir göstərən vəziyyətdə oturduqda Bluetooth modulu vasitəsi ilə Windows Phone əməliyyat sistemi üzərində işləyən smartfona siqnalların ötürülməsidir.

NoObs iyulun 27-31-də Sietlda (ABŞ)“Microsoft Imagine Cup 2015” beynəlxalq innovasiya müsabiqəsində “İnnovasiya” kateqoriyası üzrə ikinci yerə çıxıb.

BethClip layihəsi Business & Commerce ( Bines və kommersiya) kateqoriyası üzrə finala çıxıb.

BethClip layihəsinin əsas məqsədi bulud üzərindən məlumat buferinin köçürülməsi üçün xidmətdir.

Layihə müxtəlif platformalar və cihazlar arasında çalışır və bir kliklə cihazın “clipboard”ındakı məlumatı digər cihazlara ötürür. Köçürülmüş elementləri yenidən istifadə etmək olur. Bu sistem vasitəsilə Android-dən Iphone-a, Iphone-dan Windows-a məlumatlar köçürmək mümkündür.

Layihənin rəhbəri tanınmış startapçı Rəşid Əliyevdir.

ASAN Xidmət- ASAN PAY layihəsi Government & Open Data ( Açıq hökumət) kateqoriyası üzrə finala çıxıb.
ASAN Xidmət- ASAN PAY layihəsinin yaradılmasında əsas məqsəd “ASAN ödəniş” sistemi “ASAN xidmət” mərkəzlərində həyata keçirilən xidmət növlərinin və elektron xidmətlərin genişləndirilməsi və “Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin fəaliyyətinin təmin edilməsi haqqında” prezident İlham Əliyevin fərmanına əsasən yaradılıb.

Vətəndaşlar inzibati cərimələr və məhkəmə qərarları üzrə ödənişləri “ASAN ödəniş” portalından bank kartı vasitəsilə həyata keçirə bilərlər. İlkin mərhələdə yalnız Yol Hərəkəti Qaydalarının (YHQ) pozulmasına görə cərimələrin ödənişi mümkündür. “ASAN ödəniş” portalının istifadə təlimatı ilə bağlı vətəndaşların göstərilən linkə daxil olaraq ətraflı məlumat əldə etməsi də mümkündür:(https://www.asanpay.az/asanpay/instructions) Portalın mobil tətbiqi mövcuddur.