Şifrələyici proqramların istifadəçilərə hücumları artıb

29-06-2016 / 14:41

Fərdi kompüter istifadəçiləri onlara məxsus faylları oxunmaz hala salan və fayllara girişi qaytarmaq üçün pul tələb edən şifrələyici proqramlarla beş dəfə çox qarşılaşırlar.

Xeberler.az-ın məlumatına görə, Kaspersky Lab şirkətinin ekspertləri iki illik müddətə aid məlumatları müqayisə edərək (2014-cü il aprel – 2015-ci il mart/aprel – 2016-cı il mart) müəyyənləşdiriblər ki, şirkətin təhlükəsizlik həlləri tərəfindən zərərverici proqramların qarşısı alınmış kompüterlərin sayı 5,5 dəfə artıb.

Bununla yanaşı, digər bir fakt da sözügedən təhlükələrin artımını vurğulayır: hər hansı növ pul tələsi olan proqramlarla (məs. bloker) qarşılaşan isifadəçilərin ümumi sayında şifrələyici əlavələrlə qarşılaşanların sayı 25 faiz bəndi artaraq 2016-cı ilin mart ayında 31,6% təşkil edib.

 

Hesabat dövründə fırıldaqla pul əldə edən zərərverici proqram təminatına yoluxmuş kompüter istifadəçilərinin sayı isə 17,7% artaraq 2,3 milyonu üstələyib. Bununla yanaşı, zərərçəkənlər arasında korporativ istifadəçilərin payı 2 dəfəyədək artaraq ümumi göstəricinin 13%-ni təşkil edib.

“Fırıldaqla pul tələb edən və şifrələyici proqramlarla bağlı əsas problem onunla bağlıdır ki, zərərçəkmiş istifadəçilərin öz fayllarına girişi bərpa etmək üçün adətən tələb olunan pulu ödəməkdən başqa çıxış yolu qalmır. Bu isə cinayətkarların pis niyyətlərinə çatmasına və gələcəkdə bu cür halların artmasına şərait yaradır. Bizim təhlil etdiyimiz statistik göstəricilər dediklərimizi bir daha sübut edir. Həm korporativ, həm də fərdi istifadəçilər bu cür təhlükələrdən özlərini daha səmərəli vasitələrlə, məsələn, faylların ehtiyat nüsxələrini yaratmaqla, etibarlı təhlükəsizlik həlləri istifadə etməklə, yoxlanmamış mənbələrdən və şübhəli şəxslərdən məlumat alarkən sayıqlığı itirməməklə qoruya bilərlər. Şifrələyici proqramlar asan pullar gətirdikcə cinayətkarlar bu tipli proqram təminatından istifadə edəcəklər. Odur ki, vəziyyəti dəyişmək istifadəçilərin öz ixtiyarındadır”, - deyə Kaspersky Lab-ın antivirus üzrə baş analitiki Fyodor Sinitsin bildirib.

Şifrələyici və ümumilikdə pul tələb edən zərərverici proqramlarla bağlı ətraflı məlumatı və təhdidlərin inkişaf dinamikasını Kaspersky Lab-ın hesabatında oxuya bilərsiniz.

Məltəm Talıbzadə


ŞƏRHLƏR






sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.