Sitat paylaşma mobil şəbəkəsi Android telefonlar üçün təqdim olundu

31-08-2016 / 18:45

Məlumat verdiyimiz kimi,  bir müddət öncə gənclərimiz tərəfindən oxuduğunuz kitablardan bəyəndiyiniz sitatları paylaşmaq üçün nəzərdə tutulmuş Kvotter layihəsi yaradıldı.

Xercim.az- iKeboon layihəsindən tanıdığımız Orxan Əhmədov və  KVAN kitabının müəllifi Cosqun Kərimovun yaratdığı layihə hələ ilk günlərdən ictimaiyyətdə ciddi maraq doğurdu.

Belə ki, layihə Yeni Fikir 2016 SeedStars Baku müsabiqələrinin qalibi oldu.

Bu gün isə Kvotter mobil sosial şəbəkəsinin Android telefonları üçün BETA versiyası istifadəyə verilib.

Bu barədə Xeberler.az-a layihə komandasından məlumat verilib.

Qeyd edilib ki, bu mərhələdə istifadəçilərə aşağıdakı əsas funksiyalar təqdim edilib:

Sitat paylaşma funksiyası,

Maraqlı insanları Follow ( İzləmək)  etmək funksiyası,

Maraqlı sitatları bəyənmə,

Maraqlı sitatları rekvot (öz hesabına kopyalama),

Verilmiş #təq-lər, yazarlar, kitab adları və istifadəçilərə görə axtarış etmə,

Paylaşılan kitab məlumatlarının hesabda əlavəsi,

Şəxsi məlumatların əlavəsi və s.

Məlumatda qeyd edilib ki, Kvotter Beta hazırda yalnız Android qurğuları üçün keçərlidir və tezliklə iOS versiyası da istifadəçilərə təqdim ediləcək.

Belə ki, hazırkı versiyada kitablardan çəkilmiş şəkillərin Skan edilməsi üçün istifadə edilən OCR proqramının dil limiti olduğundan ingilis və latın əlifbası ilə yazılmış sitatların paylaşımı tövsiyə olunur.

Qeyd edilir ki, Beta test zamanı toplanmış məlumatlar əsasında tətbiqin tam funksional versiyası istifadəyə verildikdə bütün çatışmazlıqları aradan qaldırılmaqla yanaşı, əlavə funksiyalar və sosial şəbəkənin Veb versiyası da təqdim ediləcək.

Onu da xatırladaq ki, Kvotter Azərbaycanlı gənc təşəbbüskarlar tərəfindən hazırlansa da qlobal bazarı hədəfləyir.

Layihə komandası sentyabr ayında San-Fransisco-da keçiriləcək TechCrunch Disrupt tədbirində iştirak edərək, qlobal bazara çıxış üçün investorlar ilə görüşlər təşkil edəcək . Bundan başqa 2017-ci ilin Aprel ayında İsveçrədə keçiriləcək SeedStars World tədbirində Azərbaycanı təmsil edərək, 500 min dollar uğrunda mübarizə aparacaq.

Kvotter Beta-ya  buradan qoşula bilərsiniz.

 

Məltəm Talıbzadə

 

 


ŞƏRHLƏR





sorğu
Delta Telecom şirkətinin son istifadəçiyə birbaşa internet xidməti göstərməsi internet bazarında vəziyyəti necə dəyişə bilər ?
  • “Çəkidə aldatma” aradan qalxacaq və internetin keyfiyyəti yüksələcək.
  • İnternet bazarında sərbəst və azad rəqabət güclənəcək.
  • Qiymətlər enəcək və daha sürətli internetdən istifadə edənlərin sayı kəskin artacaq
  • İnternet bazarında rəqabət azalacaq.