E - HÖKUMƏT

Məlumat verdiyimiz kimi, Rabitə və Yüksək Texnologiyalar Nazirliyinin tabeliyində İnformasiya Texnologiyalarının İnkişafı Dövlət Fondu 3-cü qrant müsabiqəsini elan edib.

Qeyd edək ki, 3-cü qrant müsabiqəsində yalnız Azərbaycan Respublikasının vətəndaşı olan fiziki şəxslərin iştirak edə biləcəyi bildirilirdi.

Lakin  bir neçə gün əvvəl Prezident İlham Əliyev dövlət büdcəsindən maliyyələşdirilən, fəaliyyət sahələrinə uyğun olaraq Azərbaycan Respublikasının hüquqi və fiziki şəxslərinə qrant verə bilən qurumların siyahısının təsdiq edilməsi haqqında Fərman imzalayıb.

Fərmanda qrant verə bilən qurumların siyahısı tam təsdiqlənib və bu işlərin həyata keçirilməsi Nazirlər Kabinetinə tapşırılıb.

Beləliklə,  hüquqi şəxslərin aldığı qrant müqavilələrinin qeydiyyatı ilə bağlı problem də artıq öz həllini tapıb. Bununla da , hüquqi şəxslər də layihələri ilə Fondun 3-cü qarant müsabiqəsində iştirak edə bilər.

Bu barədə Xeberler.az-a  İT-nin İnkişafına Dövlət Fondundan məlumat verilib.

Məlumat verdiyimiz kimi, həmçinin  Prezidentin  Fərmanında qrant verə bilən qurumların siyahısı təsdiqləndi və bununla da  ötən müsabiqələrdə  qrantlarını ala bilməyən hüquqi şəxslərin də problemi həll olundu. Fond  yaxın zamanlarda hüquqi şəxslərin qrantlarını verməyə başlayacaq.

Qeyd edək ki, 3-cü qrant müsabiqəsində innovativ və tətbiqi elmi-texniki İKT layihələrinin hansı prioritet istiqamətləri üzrə qəbul olunacağı açıqlanıb. Həmin istiqamətləri  ilə buradan tanış ola bilərsiniz.

Fondun vəsaitinin istifadəsi qaydalarına uyğun olaraq kiçik həcmli qrantların həcmi 10.000 AZN-dən 100.000 AZN-dək müəyyən edilib.

Məltəm Talıbzadə