Superkompüterin yaradıcısının ad günüdür

28-09-2016 / 15:07

1925-ci ilin bu günü amerikalı mühəndis, bir sıra superkompüterlərin yaradıcısı Seymur Kreyin ad günüdür.

Alim tarixə öz adını CDC 6600 maşınının ixtirası ilə yazdırmış və bu, S.Kreyə dünya şöhrəti qazanıb.

Xeberler.az məlumat verir ki,  Krey 1925-ci il sentyabrın 28-də ABŞ-ın Viskonsin ştatında dünyaya göz açmışdır. Atası mühəndis-inşaatçı olduğundan o, oğlunun elm və mühəndislik sahəsinə  maraq göstərməsində xüsusi rol oynayıb.

Krey 1950-ci ildə Minnesot universitetində elektrotexnika üzrə bakalavr dərəcəsini bitirib.

Öz karyerasına UNIVAC I elektron rəqəmsal hesablama maşını ilə işləyərək başlamışdır. 1957-ci ildə o, öz dövrünün əsas kompüter istehsalçısı olan Control Data Corporation (CDC) şirkətinin əsasını qoymuşdur. Onun yaratdığı CDC 6600 və CDC 7600 böyük kompüterləri yüksək əməliyyat sürətilə fərqlənirdi.

Seymur Krey 1972-ci ildə dünyada ən böyük superkompüterlərin istehsalı ilə məğul olan “Cray Research Inc.” adlı şəxsi şirkətini qurmaq məqsədilə CDC-i tərk etdi.  Onun yeni ixtirası məlumatların emalını eyni zamanda – paralel olaraq həyata keçirən multiprosessorlu kompüterlər idi. Qurğu saniyədə 240 milyon hesablamanı həyata keçirə və mürəkkəb fiziki hadisələrin modelləşdirilməsi kimi elmi araşdırmalar üçün tətbiq edilə bilirdi.

ubr.ua saytının məlumatında bildirilir ki, belə kompüterlər hökumət müəssisələri və universistet laboratoriyalarına satılırdı.  Kreyin növbəti modelləri – “Krey 1-М” və “Krey Х-МР” isə daha böyük sürətə malik idi.

1985-ci ildə dünya bazarına saniyədə 1200 milyon əməliyyatı həyata keçirən "Krey-2" maşını çıxarıldı. 1988-ci ildə təqdim edilmiş “Krey Y-MP”  qurğusu bir az da "irəli gedərək" saniyədə 2,670 milyon əməliyyatı yerinə yetirirdi.

1989-cu ildə Krey “Cray Computer Corporation” şirkətinin əsasını qoydu. Lakin mikroprosessor texnologiyalarının geniş yayılması və hərbi təşkilatlar tərəfindən böyük kompüterlərin satışının ixtisar edilməsilə əlaqədar olaraq, yeni şirkət heç bir kompüter satmayaraq 1995-ci ildə müflis oldu. ( ict.az) 


ŞƏRHLƏR






sorğu
İT mütəxəssislər iş yerlərini hansı meyarlar əsasında seçir ?
  • Şirkətin yüksək statusuna görə
  • İşin, layihənin xarakterinə görə
  • Əmək müqaviləsinin olmasına görə
  • Yüksək əmək haqqına, mükafatlara və digər güzəştlərə görə
  • Gələcək karyerası üçün əhəmiyyət kəsb etdiyinə görə
  • Maraqlı, işgüzar kollektivə görə